ডিজিটেল ডেস্কঃ ছানি লিঅ’নী অভিনীত অনুৰাগ কাশ্যপৰ ‘কেনেডী’ ছবিয়ে এইবাৰৰ কান চলচ্চিত্ৰ মহোৎসৱত স্থান লাভ কৰিছে। এইবাৰ কান চলচ্চিত্ৰ মহোৎসৱত স্থান লাভ কৰা একমাত্ৰ ভাৰতীয় ছবি হিচাপে ই বিবেচিত হৈছে।
বৃহস্পতিবাৰে কানৰ টুইটাৰ হেণ্ডেলে এই আনুষ্ঠানিক ঘোষণা কৰে। তেতিয়াৰ পৰাই টুইটাৰত অভিনন্দনৰ জোৱাৰ উঠিছে। অনুৰাগৰ পৰিচালনাত নিৰ্মিত এই ছবিখনত অভিনয় কৰিছে ছানী লিয়নী, ৰাহুল ভাট আৰু ইউটিউব ধাৰাবাহিক ‘এস্পিৰেণ্টছ’খ্যাত অভিনেতা অভিলাষ থাপলিয়লে।
কান চলচ্চিত্ৰ মহোৎসৱত স্থান লাভ কৰিছে ছানিৰ ছৱি। ছানীৰ স্বামী ডেনিয়েল ৱেবাৰে অভিনেত্ৰীগৰাকীক অভিনন্দন জনাইছে। ১৬ মে’ৰ পৰা ২৭ মে’লৈ অনুষ্ঠিত হ’বলগীয়া এই মহোৎসৱৰ মাজনিশাৰ প্ৰদৰ্শনী শিতানৰ অংশ হিচাপে নিৰ্বাচিত হৈছে অনুৰাগ কাশ্যপৰ ‘কেনেডী’।
Leave A Comment