সামাজিক মাধ্যমত কুৎসিত ট্ৰলিঙৰ বলি হ’ল চেলিনা জেটলী! তীক্ষ্ণ প্ৰত্যুত্তৰ দিলে অভিনেত্ৰীয়ে, কি ট্ৰ’লৰ সন্মুখিন হ’ল তেওঁ?

২০০১ চনত ‘জানশ্বীন’ ছবিৰ জৰিয়তে বলীউডত আত্মপ্ৰকাশ কৰিছিল ছেলিনাই। অভিনেতা-পৰিচালক ফিৰোজ খানে নিজৰ পুত্ৰৰ প্ৰথম ছবিখনৰ নায়িকা হিচাপে বাছি লৈছিল আকৰ্ষণীয় চেহেৰাৰ চেলিনাক। বল্ড দৃশ্য আৰু সাজ-পোছাকেৰে জিলিকি উঠিছিল অভিনেত্ৰীগৰাকী। কিন্তু অভিনয়ৰ বাবে কটুক্তিৰ বলি হ’ব লগা হৈছে এইগৰাকী অভিনেত্ৰী। এইবাৰ স্বঘোষিত চলচ্চিত্ৰ সমালোচক উমেৰ সন্ধুৱে চেলিনাক লৈ এক বিস্ফোৰক দাবী উত্থাপন কৰে।

ডুবাইৰ বাসিন্দা স্বঘোষিত চলচ্চিত্ৰ সমালোচক উমেৰ সন্ধুৱে টুইট কৰি চেলিনাৰ বিষয়ে বিস্ফোৰক দাবী কৰে। তেওঁ লিখিছে, “ভাৰতৰ একমাত্ৰ অভিনেত্ৰী হৈছে চেলিনা- যি পিতৃ (ফিৰোজ খান) আৰু পুত্ৰ (ফাৰ্ডিন খান) দুয়োৰে বিচনাৰ সঙ্গী আছিল।’’ 

এই অশ্লীল টুইটৰ বিৰুদ্ধে প্ৰতিক্ৰিয়া প্ৰকাশ কৰিছে অভিনেত্ৰীগৰাকীয়ে। তেওঁ টুইট কৰি কয়, “মিষ্টাৰ সন্ধু, এই টুইটটো পোষ্ট কৰি আপুনি হয়তো পুৰুষ হোৱাৰ দৌৰত দৈৰ্ঘ্য আৰু পৰিধি বৃদ্ধি পাইছে, আপুনি হয়তো অলপ আশা লাভ কৰিছে যে আপোনাৰ যৌন অক্ষমতা আৰোগ্য হ’ব। বিশ্বাস কৰক যে সুস্থ হোৱাৰ আৰু উপায় আছে। ইচ্ছা কৰিলে চিকিৎসকৰ পৰামৰ্শ ল’ব পাৰে, অনুগ্ৰহ কৰি নিজৰ চিকিৎসা কৰিবলৈ সময় উলিয়াওক!''

এই কুৎসিত টুইটৰ এনেধৰণৰ তীক্ষ্ণ উত্তৰ দিয়াৰ বাবে নেটিজেনৰ এটা অংশই চেলিনাক প্ৰশংসা কৰে।