ডিজিটেল ডেস্কঃ শ্বাহৰুখ খান, অক্ষয় কুমাৰৰ পৰা আৰম্ভ কৰি দীপিকা পাডুকন, কেটৰিনা কাইফলৈকে—তেওঁলোক বলিউডৰ শীৰ্ষস্থানৰ অভিনেতা-অভিনেত্ৰী। তেওঁলোকৰ পাৰিশ্ৰমিক আকাশলংঘী। কিন্তু জানেনে, যদি আপুনি সেই প্ৰিয় তাৰকাসকলক আপোনাৰ পাৰ্টিলৈ মাতিব বিচাৰে, তেন্তে তেওঁলোকে ঠিক কিমান টকাৰ মাননি লয়?
‘শ্বীলা কী জৱানী’, ‘চিকনি চামেলি’কে ধৰি কেইবাটাও হিট গীতত নৃত্য প্ৰদৰ্শন কৰিছে কেটৰিনা কাইফে। ১২ বছৰতকৈও অধিক সময় তেওঁ বলিউড শাসন কৰি আহিছে। বিভিন্ন বিয়া হওক বা জন্মদিনৰ পাৰ্টি হওক, বহু ঠাইত তেওঁ অনুষ্ঠান পৰিৱেশন কৰে। জনা যায় যে একোটা ঘৰুৱা অনুষ্ঠানত নৃত্য পৰিৱেশন কৰিবলৈ কেটৰিনাই চাৰে তিনি কোটি টকা লয়।
বহু বছৰ বলিউড শাসন কৰিছে শ্বাহৰুখ খানে। যদি তেওঁক এটা হাউচ পাৰ্টিলৈ নিমন্ত্ৰণ কৰিব পৰা যায়, তেন্তে ইয়াতকৈ আনন্দৰ কথা কি হ’ব পাৰে? কিন্তু শ্বাহৰুখ খানক অতিথি হিচাপে পাবলৈ যথেষ্ট খৰচ কৰিব লাগিব। যিকোনো ‘প্ৰাইভেট পাৰ্টি’ৰ প্ৰদৰ্শনৰ বাবে শ্বাহৰুখৰ পাৰিতোষিক ৩ কোটি টকা।
এই মুহূৰ্তত তেওঁৱেই বলিউডৰ আটাইতকৈ সফল নায়িকা। তেওঁ হৈছে দীপিকা পাডুকন। ব্যক্তিগত অনুষ্ঠানলৈ নিমন্ত্ৰণ কৰিবলৈ হ’লে দীপিকা দিব লগা হয় এক কোটি টকা।
বলিউডত তেওঁৰ পৰিচয় ‘খিলাদি কুমাৰ’। তেওঁ হৈছে অক্ষয় কুমাৰ। যিকোনো ব্যক্তিগত অনুষ্ঠানত নৃ্ত্য প্ৰদৰ্শনৰ বাবে অক্ষয়ৰ পাৰিতোষিক প্ৰায় ডেৰ-দুই কোটি টকা।
ৰণবীৰ সিঙে অভিনয় কৰা প্ৰতিখন ছবিয়ে যোৱা কেইবছৰমানৰ পৰা হিট লাভ কৰিছে। তেওঁৰ ভক্তৰ সংখ্যাও অগণন। ব্যক্তিগত অনুষ্ঠানত প্ৰদৰ্শনৰ বাবে ৰণবীৰে কিমান টকা লয় জানেনে? এক কোটি টকা।
Leave A Comment