‘‘শ্বাহৰুখৰ লগত কাম কৰাটো মোৰ সপোন!’’ এই মন্তব্যৰ বাবেই এইগৰাকী পাকিস্তানী অভিনেত্ৰীক লৈ অশ্লীল পোষ্ট লিখিলে দেশখনৰ এগৰাকী চিনেটৰে

চিনেটৰগৰাকীয়ে মাহিৰাক কটাক্ষ কৰি কয়- ‘‘ধনী নায়ক পালে তেওঁক আৰু একো নিবিচাৰে নেকি?’’ ছ’চিয়েল মিডিয়াত মাহিৰাক ‘নিৰ্লজ্জ’, ‘নীচ’ আনকি মানসিকভাৱে অসুস্থ বুলিও দাবী কৰে চিনেটৰগৰাকীয়ে।

উল্লেখ্য যে মাহিৰাই শ্বাহৰুখৰ স’তে ২০১৭ চনত ‘ৰয়ছ’ নামৰ ছৱিখনত অভিনয় কৰিছিল৷ শেহতীয়াকৈ পাকিস্তানত আয়োজিত উদ্যোগ সন্মিলনত আনোৱাৰ মকছুদে আয়োজন কৰা এক অনুষ্ঠানত মাহীৰাই বলীউডত কাম কৰাৰ অভিজ্ঞতাৰ কথা কৈছিল। তাতেই তেওঁ কৈছিল যে শ্বাহৰুখ তেওঁৰ সপোনৰ নায়ক।

তেওঁৰ ভাষাত- “শ্বাহৰুখ মোৰ সময়ৰ নায়ক। মই তেওঁক ভাল পাওঁ। তেওঁৰ লগত কাম কৰাৰ সপোন দেখিছিলো। মই কেতিয়াও ভবা নাছিলো যে সেই সপোন কেতিয়াও বাস্তৱায়িত হ'ব।"

তাৰ পিছত মকছুদে মাহীৰাক সুধিলে যে তাই কোনটো ৰাজনৈতিক দলক সমৰ্থন কৰে। মহিৰাই হাঁহি হাঁহি প্ৰথমে মনে মনে থাকে। ইয়াৰ পিছত তেওঁ কয় যে শেহতীয়াকৈ এখন ছবি মুক্তি পাইছে। "মই পাঠানৰ দলৰ লোক৷"- এইদৰে উত্তৰ দিয়ে অভিনেত্ৰীগৰাকীয়ে। মাহিৰাই কয় যে- ‘‘‘ৰয়ছ’ৰ পিছত তেওঁ শ্বাহৰুখৰ সৈতে পুনৰ এটা নতুন প্ৰজেক্টত টিম আপ কৰিব বিচাৰে।’’

এই মন্তব্যৰ কাৰণেই তেওঁ পাকিস্তানী চিনেটৰৰ চকুৰ কূটা দাতৰ শূল হৈ পৰিছে। অনুষ্ঠানটো চোৱাৰ পিছত চিনেটৰ আফনানে উৰ্দু ভাষাত টুইট কৰি মাহিৰাক সমালোচনা কৰিছে৷

চিনেটৰগৰাকীয়ে লিখিছে- ‘‘মহিৰা খানৰ চৰিত্ৰৰ ওপৰত কিতাপ লিখিব পাৰি, টকাৰ বাবেই ভাৰতীয় অভিনেতাকো চাতুৰী কৰে।”

টুইটটোৱে তীব্ৰ বিতৰ্কৰ সৃষ্টি কৰিছে৷ আফনানক বহুতে গৰিহণা দি মাহিৰাৰ প্ৰতি সমৰ্থন প্ৰকাশ কৰে।