"আমি বৰ্তমান হানিমুন উপভোগ কৰি আছো!"- মালাইকা অৰোৰাই জনালে তেওঁৰ আৰু অৰ্জুন কাপুৰৰ সম্পৰ্কৰ কথা, কিন্তু বিয়া কেতিয়া পাতিব তেওঁলোক?

এতিয়া আৰু লুকাই থকা নাই। ছ’চিয়েল মিডিয়াত অৰ্জুন আৰু মলাইকাই নিজৰ সম্পৰ্কক লৈ যথেষ্ট মুকলিকৈ কয়। কিন্তু কেতিয়া বিয়া হ’ব দম্পতীহালৰ? এই প্ৰশ্নৰ সন্মুখীন হৈছে দুই তাৰকাই। এইবাৰ মালাইকাই এটা অনুষ্ঠানলৈ আহি সেই প্ৰশ্নৰ উত্তৰ দিলে।

দুয়োৰে বয়সৰ পাৰ্থক্য ১২ বছৰ। এটি সন্তানৰ মাতৃ মালাইকা। অৰ্জুনৰ সৈতে সম্পৰ্কৰ আৰম্ভণিৰে পৰা বহু বিতৰ্ক আৰু সমালোচনাৰ সন্মুখীন হ’বলগীয়া হৈছিল মলাইকাই। কিন্তু সময়ৰ লগে লগে পৰিস্থিতি সলনি হৈছে। বিবাহৰ বিষয়ে তেওঁলোকে কি ভাবে?

"আমি এতিয়া প্ৰি-হানিমুন পৰ্যায়ত আছো"- এইদৰে ক’লে মলাইকাই- ''প্ৰতিটো মুহূৰ্ত উপভোগ কৰি আছো। আমাৰ দুয়োজনেই যথেষ্ট অভিজ্ঞ। দুয়োজনে একমত যে ইজনে সিজনৰ লগত জীৱন কটাব বিচাৰো। আমি যদিও নিজৰ মাজতে বিবাহক লৈ ধেমালি কৰিছিলো, তথাপিও আমিও গুৰুত্বসহকাৰে চিন্তা কৰিছিলো। কিন্তু আমি এতিয়াই সকলো ক’ব নিবিচাৰো।''

অৰ্জুন মলাইকাতকৈ বহুত সৰু। সেই বয়সৰ পাৰ্থক্যই কেতিয়াবা সমস্যাৰ সৃষ্টি কৰিছেনে? এই বিষয়ে মালাইকাই কয়- ''অৰ্জুনৰ লগত মোৰ নিজকে সৰু যেন লাগে। সৰু হ’লেও তাৰ দৰে মোক বুজি পোৱা মানুহ খুব কমেইহে৷’’