ডিজিটেল ডেস্কঃ সঞ্জয় দত্তই এখনৰ পাছত আন এখন দক্ষিণৰ ছৱি কৰিবলৈ লৈছে। কেৱল বলীউডতে নহয়, দক্ষিণতো তেওঁৰ যাদু বিয়পি পৰিছে। যোৱা বছৰৰ ছুপাৰহিট ছবি ‘কে জি এফ ২’ত তেওঁক খলনায়ক হিচাপে অভিনয় কৰা দেখা গৈছিল।
থালাপথী বিজয়ৰ 'লিও’ ছবিতো চহী কৰে সঞ্জয়ে। এইবাৰ তেওঁৰ আন এখন নতুন দক্ষিণৰ ছবিৰ বিষয়ে জানিব পৰা গ’ল। এই ছবিখনত তেওঁ তেলেগু ছুপাৰষ্টাৰ প্ৰভাসৰ সৈতে অভিনয় কৰিব। অৱশ্যে তেওঁ খলনায়কৰ চৰিত্ৰত থাকিব নে নাই সেই বিষয়ে জানিব পৰা হোৱা নাই।
ছবিখনৰ নাম এতিয়াও নিৰ্ণয় হোৱা নাই। পৰিচালক মাৰুথী। যদিও নিৰ্মাতাসকলে আনুষ্ঠানিক ঘোষণা কৰা নাই, তথাপিও ২০২২ চনৰ অক্টোবৰৰ পৰা ছবিখনৰ কাম আৰম্ভ হৈছে। প্ৰভাস আৰু মালবিকা মোহনে মুখ্য চৰিত্ৰত অভিনয় কৰিছে।
সঞ্জয়ে অভিনয় কৰা চৰিত্ৰটোও অতি গুৰুত্বপূৰ্ণ। গোপন সূত্ৰ অনুসৰি, তেওঁ প্ৰভাসৰ ককাকৰ চৰিত্ৰত অভিনয় কৰিবলৈ ওলাইছে। মাৰ্চ মাহৰ শেষৰ ফালে সঞ্জয় আৰু প্ৰভাসৰ দৃশ্যৰ দৃশ্যগ্ৰহণ কৰা হ’ব।
যদিও বৰ্তমান ছবিখনৰ বিষয়ে নিৰ্মাতাসকলে কোনো কথা প্ৰকাশ কৰা নাই, তথাপিও ছবিখনৰ চেটৰ কিছুমান ছবি ভাইৰেল হৈ পৰিছে। কোনোবাই শ্বুটিং স্থানৰ পৰা প্ৰভাস আৰু পৰিচালকৰ ফটো তুলি ছ’চিয়েল মিডিয়াত শ্বেয়াৰ কৰিলে, ৰাতিটোৰ ভিতৰতে ভাইৰেল হৈ পৰিল। লিক হোৱা ফুটেজত পৰিচালক আৰু সঞ্জয়ে ইজনে সিজনৰ লগত কথা পাতি থকা দেখা গৈছে।
Leave A Comment