বুকুত ডুলিছে লক্ষ্মীদেৱী...! ফেশ্বন শ্ব’ত নতুন ডিজাইনৰ গহনা পিন্ধিলে তাপসী পান্নৱে! সামাজিক মাধ্যমত আৰম্ভ হৈছে তীব্ৰ প্ৰতিক্ৰিয়া, চাওক ফটো

মুম্বাইত অনুষ্ঠিত এক নামী দামী ফেশ্বন শ্ব’ত ডিজাইনাৰ মনীষা জয়িংহৰ বাবে ৰেম্পত খোজ কাঢ়িলে বলীউডৰ অভিনেত্ৰী তাপসী পান্নুৱে। শ্ব’টোৰ বাবে  ৰঙা গাউন পিন্ধিছিল তাপসীয়ে। একোঁচা চুলি, ডিঙিত সোণৰ গধুৰ গহনা। সেই পোছাক পিন্ধি অভিনেত্ৰীগৰাকীয়ে চেঙেলীয়া হাঁহি এটা লৈও এখন ফটো তুলিছিল। ফটোখন ছ’চিয়েল মিডিয়াত প্ৰকাশ পোৱাৰ পিছতে আৰম্ভ হৈছে সমালোচনা।

বিতৰ্ক আৰম্ভ হৈছে তাপসীৰ নেকেলেচৰ পৰা। অভিনেত্ৰীগৰাকীয়ে পিন্ধা ৰঙা গাউনটো কান্ধৰ পৰা নাভিলৈকে খোলা। বুকুৰ মাজৰ দীঘল খাঁজটোত আছে চকাৰ গহনা। গহনাৰ ভিতৰত আছে এগৰাকী হিন্দু দেৱীৰ ছবি। যদিও স্পষ্টকৈ দেখা পোৱা নাযায়, দূৰৈৰ পৰা দেখা যায় যে ই লক্ষ্মী দেৱীৰ প্ৰতিমূৰ্তি।

নেটিজেনসকল সেই কথাতে বিৰক্ত হৈ পৰিছে। অভিনেত্ৰীগৰাকীয়ে এনে   কাপোৰ আৰু গহনা পিন্ধি অশ্লীলতাৰ সীমা অতিক্ৰম কৰাৰ অভিযোগ উত্থাপন কৰা হৈছে। বহুতে অভিযোগ কৰে যে তাপসীয়ে হিন্দু দেৱীক ‘অপবিত্ৰ’ পদ্ধতিৰে ব্যৱহাৰ কৰিছে।

ছ’চিয়েল মিডিয়াত সমালোচনাৰ ধুমুহা সৃষ্টি হোৱাৰ পাছতো তাপসী পান্নুৱে এই সন্দৰ্ভত এতিয়াও মুখ মেলা নাই। অভিনেত্ৰীগৰাকীয়ে ইতিমধ্যে স্পষ্ট কৰি দিছে যে তেওঁ সমালোচনাৰ সন্মুখীন হোৱা ব্যক্তি নহয়।