দুই প্ৰাক্তন পত্নীৰ সৈতে থকা সম্পৰ্ক ৰাজহুৱা কৰিলে আমিৰ খানে

ডিজিটেল ডেস্ক : কেৱল অভিনয়েই নহয়, বিভিন্ন মন্তব্যৰ বাবেও চ’চিয়েল মিডিয়াত নানা চৰ্চাৰ সন্মুখীন হয় আমিৰ খান৷বৰ্তমান অভিনেতাজন সোনকালেই মুক্তি পাবলগীয়া ছবি লাল সিং চড্ডাৰ কামত ব্যস্ত৷ অভিনয় তথা ব্যক্তিগত জীৱন সম্পৰ্কে মুকলিকৈ কোৱাৰ  বাবেও অনুৰাগী সকলৰ অতিকৈ প্ৰিয় আমিৰ খান৷ শেহতীয়াকৈ আমিৰ খানে তেওঁৰ দুই প্ৰাক্তন পত্নী কীৰণ ৰাও আৰু ৰীনা দত্ত সম্পৰ্কে কিছু কথা ৰাজহুৱা কৰে৷ 

অতি সোনকালেই আমিৰ খানক কৰীণা কাপুৰৰ সৈতে কফি উইথ কৰণৰ সৈতে দেখা যাব৷  ইয়াৰে এটা খণ্ডত আমিৰ খানে তেওঁৰ প্ৰাক্তন পত্নীৰ প্ৰতি থকা আন্তৰিকতাৰ কথা ৰাজহুৱাকৈ ব্যক্ত কৰে৷  দুই প্ৰাক্তন পত্নী ক্ৰমে ৰীণা দত্ত আৰু কীৰণ ৰাও এতিয়াও তেওঁৰ পৰিয়ালৰ দৰে৷ তেওঁলোকৰ প্ৰতি এতিয়াও আমিৰ খানৰ মনত যথেষ্ট সন্মান আছে বুলি মন্তব্য কৰে আমিৰ খানে৷ লগতে ব্যস্ততাপূৰ্ণ ৰুটিনৰ মাজতে তেওঁলোকে সপ্তাহত এদিন হ’লেও দেখা -সাক্ষাৎ কৰে বুলিও জানিবলৈ দিয়ে আমিৰ খানে৷ তেওঁলোকৰ প্ৰত্যেকৰে ইজনৰ সিজনৰ প্ৰতি ভালপোৱা আৰু সন্মান আছে৷ 

 ১৯৮৬ চনত আমিৰ খান ৰীনা দত্তৰ সৈতে বিবাহপাশত আৱদ্ধ হৈছিল আৰু ২০০২ চনত দুয়োৰে বিবাহ বিচ্ছেদ হয়৷ ২০০৫ চনত কীৰণ ৰাওৰ সৈতে আমিৰ খানৰ দ্বিতীয় বিবাহ হয়৷ কিন্তু যোৱা মাহত দুয়োৰে বিবাহ বিচ্ছেদ হয় ৷অৱশ্যে কীৰণ ৰাও আৰু আমিৰ খানে পুত্ৰ আজাদক একেলগে ডাঙৰ-দীঘল কৰাৰ সিদ্ধান্ত লৈছে বুলিও জানিব পৰা গৈছে।