পুনৰ একেলগে দেখা যাব আমিৰ-কিৰণক! বিচ্ছেদতেই শেষ হোৱা নাই যি কাহিনী...

অভিনেতাজনে ২০০৫ত কিৰণৰ সৈতে বিবাহপাশত আৱদ্ধ হৈছিল পূৰ্বৰ পত্নী ৰীণা দত্তৰ পৰা বিবাহ বিচ্ছেদৰ কেইবছৰমান পাছত৷ বৈবাহিক জীৱনৰ প্ৰায় ১৬ বছৰ পাছত আমিৰ আৰু কিৰণে ২০২১ত তেওঁলোকৰ বিচ্ছেদৰ কথা ঘোষণা কৰি তেওঁলোকৰ অনুৰাগীসকলক আচৰিত কৰি তুলিছিল। 

অৱশ্যে, বিচ্ছেদৰ পাছতো এই প্ৰাক্তন দম্পতীয়ে তেওঁলোকৰ মাজত বন্ধুত্বপূৰ্ণ সম্পৰ্ক বজাই ৰাখিছিল।

শেহতীয়াকৈ আমিৰ আৰু কিৰণে কৰণ জোহৰৰ ‘কফি উইথ কৰণ’ৰ বাবে পুনৰ লগ লাগিছে৷ পূৰ্বতেও তেওঁলোক কৰণৰ টক শ্বোত একেলগে অংশ লৈছিল।

এইবাৰ দ্বিতীয়বাৰৰ বাবে তেওঁলোকক ‘কফি উইথ কৰণ’ত দেখা যাব। তেওঁলোকে ইতিমধ্যে খণ্ডটোৰ দৃশ্যগ্ৰহণ সম্পূৰ্ণ কৰিছে। ‘কফি উইথ কৰণ’ৰ অষ্টম চিজন তেওঁলোকৰ খণ্ডটোৰ সৈতে শেষ হ’বলৈ গৈ আছে।

এতিয়ালৈকে, ৰণবীৰ সিং আৰু দীপিকা পাডুকন ‘কফি উইথ কৰণ’ৰ কফি চেটৰ বাবে দম্পতি হিচাপে আহিছে। ছানি আৰু ববি দেওল ভাতৃযুগল হিচাপে আহিছে। চাৰা আলী খান আৰু অনন্যা পাণ্ডেক দেখা গৈছিল বন্ধু হিচাপে৷ ইয়াৰ উপৰি আলিয়া ভাট আৰু কৰীণা কাপুৰ খানেও অংশ লৈছিল এই অনুষ্ঠানত। উল্লেখযোগ্য যে ৰাণী মুখাৰ্জী আৰু কাজলক কৰণৰ অনুষ্ঠানৰ পৰৱৰ্তী খণ্ডত দেখা যাব।