ভিত্তিহীন অভিযোগৰ বাবে নৱাজুদ্দিন ছিদ্দিকীৰ প্ৰাক্তন পত্নী আৰু ভাতৃৰ বিৰুদ্ধে ১০০ কোটি টকাৰ মানহানিৰ গোচৰ...

অধিবক্তাগৰাকীৰ দাবী অনুসৰি ২০০৮ চনৰ পৰাই নৱাজৰ ৱৰ্ক এংগেজমেণ্ট আৰম্ভ হৈছিল। সেই সময়ত অভিনেতাজনৰ ভাতৃ ছামছুদ্দিন নিবনুৱা আছিল। গতিকে তেওঁৰ মেনেজাৰ হিচাপে চাকৰি এটা দিলে। শ্বামছুদ্দিনে সেই সময়ত অভিনেতাজনৰ বেংক একাউণ্ট, জি এছ টি, কৰ সম্পৰ্কীয় সকলো কাম চম্ভালি আছিল। ক্ৰেডিট কাৰ্ড আৰু ডেবিট কাৰ্ড ভাতৃৰ হাতত তুলি দি নৱাজে অভিনয়ৰ জগতখনত ডুব গ’ল।

অভিযোগ অনুসৰি সেই উপলক্ষে শ্বামছুদ্দিনে অভিনেতাজনক প্ৰতাৰণা কৰিছিল। লগতে অভিনেতাজনৰ ধনেৰে যৌথ মালিকীস্বত্বত ইটোৰ পিছত সিটো সম্পত্তি ক্ৰয় কৰাৰ অভিযোগ উত্থাপন হৈছে। প্ৰতিবাদ কৰাৰ বাবেই অভিনেতাজনৰ ভাতৃ বিচলিত হৈ পৰে। ইয়াৰ পাছতেই তেওঁৰ প্ৰাক্তন পত্নী অঞ্জনা পাণ্ডয়েও অভিনেতাগৰাকীৰ বিৰুদ্ধে তীব্ৰ সমালোচনা কৰে।

অভিযোগ অনুসৰি দুয়োজনে অভিনেতাজনৰ নামত ছচিয়েল মিডিয়াত ভুৱা তথ্য প্ৰচাৰৰ ষড়যন্ত্ৰ কৰিছিল। ততাতৈয়াকৈ নৱাজৰ অধিবক্তাই প্ৰাক্তন পত্নী অঞ্জন পাণ্ডে আৰু ভাতৃ শ্বামছুদ্দিনৰ অভিযোগ ভিত্তিহীন বুলি দাবী কৰি মানহানিৰ গোচৰ তৰে। ১০০ কোটি টকাৰ মানহানিৰ গোচৰ ৰুজু হৈছে। অভিনেতাজনৰ অধিবক্তাই দাবী কৰিছে যে তেওঁলোকে লিখিতভাৱে ক্ষমা খুজিব লাগে। ৩০ মাৰ্চত এই গোচৰৰ পৰৱৰ্তী শুনানি হ’ব।