অভিনেতা নীতেশ পাণ্ডে আৰু নাই! হাৰ্ট এটেক হৈ সাবটিলে মৃত্যু

নিশা ১.৩০ বজাত অভিনেতাজনৰ হৃদযন্ত্ৰ বন্ধ হৈ যায়, যাৰ বাবে তেওঁৰ মৃত্যু হয়। মৃত্যুৰ সময়ত নীতেশ পাণ্ডেৰ বয়স আছিল ৫১ বছৰ। পাণ্ডেৰ মৃত্যুত অনুৰাগীসকল শোকত ম্ৰিয়মান হৈ পৰিছে। নীতেশে শ্বুটিঙৰ বাবে ইগাটপুৰলৈ গৈছিল। তাতে ৰাতি প্ৰায় ১:৩০ মান বজাত তেওঁৰ হৃদযন্ত্ৰ বন্ধ হৈ যায়।

শেহতীয়াকৈ অভিনেতাগৰাকীয়ে টিভিৰ বিখ্যাত অনুষ্ঠান অনুপমাত অভিনয় কৰিছিল। এই শ্ব’টোত অভিনেতাগৰাকীয়ে ধীৰাজ কাপুৰৰ চৰিত্ৰত অভিনয় কৰিছিল। 

নীতিশ পাণ্ডেয়ে বহু ছুপাৰহিট শ্ব’ত কাম কৰিছিল, য’ত আছিল ‘তেজস’, ‘সায়া’, ‘মঞ্জিলে আপনি আপনি’, ‘কুচ তো লগ কহেংগে’, ‘এক ৰিস্তা পাৰ্টনাৰশ্বিপ কা’, ‘মহাৰাজা কি জয় হো’, ‘হিৰো -মিছিং মোড’ অন' অন্তৰ্ভুক্ত। ইয়াৰ উপৰিও অভিনেতাগৰাকীয়ে বহু ছবিতো কাম কৰিছিল, য’ত ‘বধাই দ’, ‘মদাৰী’, ‘দবাং ২’ আদি ছবিও আছিল।