আদিপুৰুষত ৰাৱণৰ চৰিত্ৰ ৰূপায়ণ কৰা ছেইফ আলি খানে নিদিলে "জয় শ্ৰী ৰাম" ধ্বনি; সমালোচিত অভিনেতা

অৱশ্যে সমালোচনাৰ মাজতো এই ছবিখনে প্ৰথম দিনাই বক্স অফিচত ১৪০ কোটি টকা সংগ্ৰহ কৰা বুলি কোৱা হৈছে।

ছবিখনত প্ৰভাশে ৰাম, কৃতি সেননে দেৱী সীতাৰ চৰিত্ৰত অভিনয় কৰিছিল আৰু ছেইফ আলী খানে ৰাৱণৰ চৰিত্ৰত অভিনয় কৰিছিল। ছবিখনৰ সংলাপৰ পৰা আৰম্ভ কৰি কাহিনীলৈকে চৰ্চা চলি আছে। ইফালে ছেইফ আলী খানৰো এক বেলেগ কাৰণত চৰ্চা চলি আছে। আচলতে ছেইফে নিজৰ পুত্ৰ টাইমূৰৰ সৈতে আদিপুৰুষৰ স্ক্ৰীনিঙলৈ গৈছিল। থিয়েটাৰৰ পৰা ওলাই আহোঁতে পাপাৰাজী আৰু অনুৰাগীয়ে তেওঁৰ ফটো তুলিবলৈ আগুৰি ধৰে৷

ছেইফ আলী খান ওলাই অহাৰ লগে লগে পাপাৰাজী আৰু অনুৰাগীয়ে ‘জয় শ্ৰী ৰাম, জয় শ্ৰী ৰাম’ ধ্বনি দিবলৈ আৰম্ভ কৰে। এই সময়ত ছাইফেও সকলোকে হাত যোৰ কৰি সম্ভাষণ জনায় যদিও ইয়াৰ পাছত তেওঁ এবাৰো জয় শ্ৰী ৰাম নক’লে। ইয়াৰ পিছত মানুহে তেওঁক ট্ৰল কৰিবলৈ ধৰিলে,যে ছেইফে হিন্দুু আস্থাৰ অপমান কৰিছে,এতিয়া এই ঘটনাক লৈ ইণ্টাৰনেটত যথেষ্ট প্ৰতিক্ৰিয়া দেখা গৈছে৷