নিজৰে বন্ধুৰ 'এক্স'ৰ প্ৰেমত পৰিল এইসকল তাৰকা! তালিকাত আছে আলিয়া ভাটৰ নামো

ৰিয়া চক্ৰৱৰ্তী আৰু ছাৰা আলী খানৰ মাজত বহু ভাল বন্ধুত্ব আছিল। ছাৰাৰ প্ৰথম ছবি কেদাৰনাথৰ শ্বুটিঙৰ সময়ত অভিনেতা সুশান্ত সিং ৰাজপুতক ছাৰা আলী খানে নিজৰ হৃদয় সঁপিছিল। সেই সময়ত দুয়োৰে নামে বহু সংবাদ মাধ্যমৰ শিৰোনাম দখল কৰিছিল। কিন্তু কিছুদিনৰ পাছতে এই দুই তাৰকা ইজনে সিজনৰ পৰা বিচ্ছিন্ন হৈ পৰিল। ইয়াৰ পিছতে ছাৰা আলী খানৰ বন্ধু ৰিয়া চক্ৰৱৰ্তীৰ সৈতে প্ৰয়াত অভিনেতা সুশান্ত সিং ৰাজপুতৰ  প্ৰেমৰ সম্পৰ্ক গঢ়ি উঠে।

২০১৮ চনত ঈশান খাট্টাৰৰ সৈতে প্ৰথমখন ছবি 'ধড়ক'ৰ শ্বুটিঙৰ সময়ত জাহ্নৱী কাপুৰৰ প্ৰেমৰ সম্পৰ্ক গঢ়ি উঠে। এই ছবিখনৰ পিছত দুয়োৰে মাজত ঘনিষ্ঠতা বৃদ্ধি পালে। সকলোৱে অনুভৱ কৰিছিল যে দুয়োৰে মাজত কিবা এটা আছে। তাৰ পিছত আহিল ২০২০ চনত ‘খালী পিলি’ ছবিখন। এই ছবিখনত অনন্যা ঈশানৰ লগত আছিল আৰু ইয়াৰ পৰাই তেওঁলোকৰ সম্পৰ্ক প্ৰেমলৈ পৰিণত হৈছিল। অৱশ্যে একে বছৰতে দুয়োৰে মাজতো বিচ্ছেদ ঘটে। জাহ্নৱী আৰু অনন্যাৰ মাজতো আছে ভাল বন্ধুত্ব।

প্ৰায় একেসময়তে দীপিকা পাডুকন আৰু অনুষ্কা শৰ্মাই চলচ্চিত্ৰ জগতত প্ৰৱেশ কৰিছিল। এসময়ত তেওঁলোকক ঘনিষ্ঠ বন্ধু বুলি গণ্য কৰা হৈছিল। কেৰিয়াৰৰ প্ৰাৰম্ভিক পৰ্যায়ত অনুষ্কা শৰ্মাই অভিনেতা ৰণবীৰ সিঙৰ সৈতে ডেটিং কৰি আছিল। অৱশ্যে অতি সোনকালেই দুয়োৰে মাজত বিচ্ছেদ ঘটে আৰু ৰণবীৰ সিং অভিনেত্ৰী দীপিকা পাডুকনৰ প্ৰেমত পৰে। পিছত দুয়োজন তাৰকাৰ বিয়া হৈছিল।

প্ৰিয়ংকা চোপ্ৰা আৰু কৰীনা কাপুৰ খানক বলীউডৰ ভাল বন্ধু বুলি গণ্য কৰা হয়। দুয়োকে বহুবাৰ একেলগে দেখা গৈছে। আপোনালোকেও জানে যে কৰীণা কাপুৰ খানৰ দীৰ্ঘদিনীয়া প্ৰেমৰ সম্পৰ্ক আছিল শ্বাহিদ কাপুৰৰ লগত। কিন্তু কৰীণাৰ সৈতে বিচ্ছেদ হোৱাৰ পিছত অভিনেতা শ্বাহিদ কাপুৰে তেওঁৰ কৰীণাৰ বন্ধু প্ৰিয়ংকা চোপ্ৰাৰ লগত ডেটিং আৰম্ভ কৰিছিল। অৱশ্যে তেওঁলোকৰ সম্পৰ্ক বেছি দিন স্থায়ী নহ’ল।

শেহতীয়াকৈ ৰণবীৰ কাপুৰৰ সৈতে বিবাহপাশত আবদ্ধ হোৱা আলিয়া ভাটে অতি সোনকালেই মাতৃ হ’বলৈ গৈ আছে। আলিয়া ভাটক হৃদয় দিয়াৰ পূৰ্বে চলচ্চিত্ৰ তাৰকা ৰণবীৰ কাপুৰে আলিয়াৰ ভাল বন্ধু কেটৰীণা কাঈফৰ সৈতে ডেটিং কৰি আছিল আৰু কেটৰিনা কাঈফৰ সৈতে বিচ্ছেদ হোৱাৰ পাছত ৰণবীৰ কাপুৰৰ নামটো আলিয়া ভাটৰ লগত জড়িত হৈ পৰে। এই দুই তাৰকা বিবাহপাশত আৱদ্ধ হৈ সম্পৰ্কটো স্থায়ী কৰি তোলে।