মূৰত ফেন লগাই গা শীতল কৰিছে বাবাই! এই আৱিষ্কাৰ দেখি বাবাৰ ফেন হৈ পৰিল অমিতাভ বচ্চন

অমিতাভে কেৱল নিজৰ জীৱনৰ কথাই নহয়, দেশ আৰু পৃথিৱীৰ লগত জড়িত বহু কথাও কয়। শেহতীয়াকৈ অমিতাভে এনেকুৱা কিবা এটা শ্বেয়াৰ কৰিছে যিয়ে ছ’চিয়েল মিডিয়াত মানুহৰ হৃদয় জয় কৰিবলৈ সক্ষম হৈছে। এগৰাকী সাধু বাবাৰ এক অভিনৱ আৱিষ্কাৰে অমিতাভজীৰ চকু চমকাই তুলিছে। 

অমিতাভ বচ্চনে এটা ভিডিঅ’ শ্বেয়াৰ কৰিছিল য'ত এজন বৃদ্ধ সাধু বাবাই নিজকে শীতল কৰি ৰাখিবলৈ মূৰত সৌৰশক্তি চালিত ফেন পিন্ধি থকা দেখা গৈছে। এই কথা দেখি অমিতাভ বচ্চনে আপ্লুত হৈ ভিডিঅ’টো ছ’চিয়েল মিডিয়াত শ্বেয়াৰ কৰে। অমিতাভে টুইটাৰত এটা ভিডিঅ’ শ্বেয়াৰ কৰিছে, য’ত বৃদ্ধ ব্যক্তিজনে হেলমেট পিন্ধি আছে, তাৰ সন্মুখত আছে এখন ফেন আৰু পিছফালে আছে ছ’লাৰ পেনেল।

অমিতাভ বচ্চনে ইয়াৰ কেপচনত লিখিছে – “India the Mother of invention ..भारत माता की जय”। এই ভিডিঅ’ এতিয়া ভাইৰেল হৈ পৰিছে।  

আনহাতে কামৰ কথা ক’বলৈ গ’লে চিনে আইকনগৰাকীয়ে ঘোষণা কৰে তেওঁ পৰৱৰ্তী ছবি ‘ছেকচন ৮৪’ত ব্যস্ত হৈ আছে য’ত ডায়েনা পেণ্টীয়েও অভিনয় কৰিছে। প্ৰভাস আৰু দীপিকা পাডুকনৰ সৈতে অমিতাভ বচ্চনৰ ‘প্ৰজেক্ট কে’ৰ কামো চলি আছে।