এইবাৰ ৰাইজৰ টাৰ্গেট অৰ্জুন কাপুৰ, বয়কট ট্ৰেণ্ডত ক্ষোভ উজাৰি বেয়াকৈ বিপদত পৰিল অভিনেতাগৰাকী

 আচলতে অলপতে অৰ্জুনে বলীউড হাংগামাক দিয়া এক সাক্ষাৎকাৰত কৈছিল, ‘মই ভাবো আমি এই বিষয়ে মৌন হৈ ভুল কৰিছো আৰু সেয়া আছিল আমাৰ শালীনতা, কিন্তু মানুহে ইয়াৰ সুবিধা ল’বলৈ আৰম্ভ কৰিছে।’ ইয়াত তেওঁ মৌনতা অৱলম্বন কৰা নাছিল। তেওঁ আৰু কয় যে সদায় সহ্য কৰাৰ প্ৰয়োজন নাই, বহুত সহ্য কৰা হৈছিল আৰু এতিয়া মানুহে ইয়াক অভ্যাস কৰি লৈছে। এতিয়া বেছি হ’বলৈ আৰম্ভ কৰিছে, যিটো ভুল।

 

‘বলীউড বয়কট’ ট্ৰেণ্ডক লৈ এই বক্তব্যৰ পাছত এতিয়া মানুহে অৰ্জুন কাপুৰক ঘেৰি ধৰিছে। সকলোৱে অভিনেতাজনক প্ৰশ্ন কৰিবলৈ আৰম্ভ কৰিছে, তেওঁ কোন? নেটিজেন সকলৰ মতে অৰ্জুন কাপুৰ নেপ'টিজিমৰ  আন এক উৎপাদন।  এজন অভিনেতা, যি অভিনয় কৰিবলৈ অক্ষম আৰু দৰ্শকৰ বিৰুদ্ধে যুদ্ধ চলাবলৈ চেষ্টা কৰা আন এজন ‘অভিনেতা’। 

শেহতীয়াকৈ  অৰ্জুন কাপুৰে ভগ্নী সোণম কাপুৰৰ সৈতে কৰণ জোহৰৰ শ্ব’ কফি উইথ কৰণ ৭ত অংশ লৈছিল। য'ত ভগ্নী সোণম কাপুৰৰ এক বিতৰ্কমূলক তথা লজ্জাজনক বিষয়ৰ সন্দৰ্ভত মানুহে অৰ্জুনৰ লালন-পালনক লক্ষ্য কৰি লৈছে। সকলোৱে এটাই প্ৰশ্ন কৰিলে, এইটো এটা প্ৰগতিশীল পৰিয়াল নেকি?

অৰ্জুন কাপুৰক পৰামৰ্শ দি এজনে কয়, ‘এটা মনোৰঞ্জন উদ্যোগৰ গৌৰৱৰ বাবেই তেওঁ বৰ্জন বহন কৰিবলগীয়া হৈছে। মানুহক আৰু প্ৰত্যাহ্বান নিদিব। সংখ্যাগৰিষ্ঠতাৰ মতামতক আওকাণ কৰিলে উদ্যোগটোৱে অধিক সংগ্ৰাম কৰিব।

উল্লেখযোগ্য যে 'বয়কট' বলীউড দীৰ্ঘদিন ধৰি ছ’চিয়েল মিডিয়াত ট্ৰেণ্ড কৰি আহিছে। ইয়াৰ প্ৰভাৱ ডাঙৰ ডাঙৰ ছবিৰ বক্স অফিচত দেখা গৈছে। দুই এখন ছবিৰ বাহিৰে অধিকাংশ হিন্দী ছবিয়েই বৰ্জনৰ প্ৰভাৱত পৰিছে। ইয়াৰ ভিতৰত আমিৰ খানৰ ‘লাল সিং চদ্দা’ৰ পৰা অক্ষয় কুমাৰৰ ‘ৰক্ষা বন্ধন’লৈকে অন্যতম। ইয়াৰ বাহিৰেও বলীউডত নেপটিজিমক লৈও ক্ষুব্ধ ৰাইজ। ইয়াৰ পূৰ্বেও সুশান্ত সিং ৰাজপুতৰ মৃত্যুৰ পাছত এই নেপটিজিৰ ওপৰত এটা ডাঙৰ বিতৰ্ক হৈছিল, যিটো বৰ্তমানলৈকে চলি আছে।