এইবাৰ বিচ্ছেদৰ তালিকাত টাইগাৰ-দিশা, অন্ত পৰিল ছবছৰীয়া সম্পৰ্কৰ

টাইগাৰ শ্ৰফ আৰু দিশা পাটানী বলীউডৰ অন্যতম প্ৰিয় তাৰকা। আনহাতে তেওঁলোকৰ সম্পৰ্কও সকলোৰে প্ৰিয় আছিল । প্ৰায়ে একেলগে দেখা যায় দুয়োকে। কিন্তু এতিয়া দিশা আৰু টাইগাৰক হয়তো সম্পৰ্কত  একেলগে দেখা নাপাব। হিন্দুস্তান টাইমছৰ প্ৰতিবেদন অনুসৰি যোৱা এবছৰ ধৰি টাইগাৰ আৰু দিশাৰ সম্পৰ্কত বহু উত্থান-পতন ঘটিছিল। কিন্তু দুয়োয়ে কেতিয়াও এই কথা জানিবলৈ নিদিলে।

দিশা আৰু টাইগাৰে বিচ্ছেদ হোৱাৰ সিদ্ধান্ত লোৱাৰ প্ৰকৃত কাৰণ এতিয়াও প্ৰকাশ কৰা হোৱা নাই। কিন্তু এইটো নিশ্চিত যে দুয়োটা তাৰকাই এতিয়া একক জীৱন যাপন কৰিছে। হিন্দুস্তান টাইমছৰ সৈতে হোৱা এক বাৰ্তালাপৰ সময়ত টাইগাৰৰ এজন বন্ধুৱে দম্পতীহালৰ বিচ্ছেদৰ খবৰটো সঁচা বুলি কৈছে। টাইগাৰৰ বন্ধুগৰাকীয়ে কয় যে এই বিচ্ছেদে  টাইগাৰৰ কৰ্মক্ষেত্ৰত কোনো পাৰ্থক্য আনিব পৰা নায়। তেওঁক আগৰ দৰেই নিজৰ কামৰ প্ৰতি মনোনিৱেশ কৰা দেখা যায়। টাইগাৰ বৰ্তমান লণ্ডনত নিজৰ ছবিখনৰ শ্বুটিংত ব্যস্ত।

ইফালে এইবাৰ দিশা পাটানীক দেখা যাব ‘এক ভিলেইন ৰিটাৰ্ণছ’ত। একে সময়তে টাইগাৰ শ্ৰফে ‘গণপাট’ আৰু ‘বাঘী-৪’ত নিজৰ শক্তি প্ৰদৰ্শন কৰা দেখা যাব। দিশা আৰু টাইগাৰ এতিয়া সম্পৰ্কেত একেলগে নাথাকিলেও কিন্তু তেওঁলোকৰ বন্ধুত্ব এতিয়াও অক্ষত অৱস্থাত আছে।