বৰদিন উপলক্ষে অনুৰাগীলৈ বিশেষ উপহাৰ আগবঢ়ালে আলিয়া-ৰণবীৰে

কাপুৰ পৰিয়ালৰ বৰদিনৰ দুপৰীয়াৰ আহাৰত এই দম্পতীহালে প্ৰথমবাৰৰ বাবে পাপাৰাজীক ৰাহাৰ মুখ দেখুৱাই।এই কথাৰ এটা ভিডিঅ’ ছ’চিয়েল মিডিয়াত পোহৰলৈ আহিছে, য’ত ৰণবীৰ আৰু আলিয়াই প্ৰথমবাৰৰ বাবে সংবাদ মাধ্যমৰ সন্মুখত আহিছে তেওঁলোকৰ কণমানিটোক লৈ ৰাহাক দেউতাকৰ কোলাত যথেষ্ট শান্ত যেন লাগিল। একে সময়তে অনুৰাগীসকলে ১ বছৰীয়া ৰাহাৰ নীলা চকু, নিৰ্দোষতা আৰু মৰমলগা হাঁহিটোক ভাল পাইছে।বহুতে লিখিছে ৰণবীৰ-আলিয়াৰ ছোৱালীজনী বৰ মৰমলগা।

ছ’চিয়েল মিডিয়াত ভাইৰেল হৈ থকা ৰাহাৰ এই মৰমলগা ছবিবোৰে মানুহৰ মন জয় কৰিছে। আজি ৰণবীৰ আৰু আলিয়াই এই উপহাৰ দি তেওঁলোকৰ অনুৰাগীৰ দিৱস গঢ়ি তুলিছে বুলি ক'লে ভুল নহ'ব। উল্লেখ্য যে অলপতে ৰণবীৰ আৰু আলিয়াই ৰাহাৰ প্ৰথম জন্মদিন পালন কৰিছিল। ২০২২ চনৰ এপ্ৰিল মাহত দুয়োৰে বিবাহ হয় আৰু ২০২২ চনৰ নৱেম্বৰ মাহত আলিয়াই কন্যা ৰাহাক জন্ম দিয়ে।