মাত্ৰ এটা খণ্ডৰ দৃশ্যগ্ৰহণতে খৰচ ৪৮২ কোটি টকা! জানো আহক আটাইতকৈ খৰচী ৱেব চিৰিজসমূহৰ বিষয়ে

২০২২ চনত ‘দ্য লৰ্ড অৱ দ্য ৰিংছ: দ্য ৰিংছ অৱ পাৱাৰ’ আমাজন প্ৰাইম ভিডিঅ’ অ’টিটি প্লেটফৰ্মত মুক্তি পাইছিল। ‘দ্য হবিট’ আৰু ‘দ্য লৰ্ড অৱ দ্য ৰিংছ’ ছবি ধাৰাবাহিক মুক্তিৰ পিছত ‘দ্য লৰ্ড অৱ দ্য ৰিংছ: দ্য ৰিংছ অৱ পাৱাৰ’ ৱেব ধাৰাবাহিকখনৰ প্ৰতি দৰ্শকৰ আগ্ৰহ বাঢ়ি আহিল। হলিউডৰ কেইবাটাও বাতৰিত দাবী কৰা হৈছে যে ৱেব ছিৰিজ ‘দ্য লৰ্ড অৱ দ্য ৰিংছ: দ্য ৰিংছ অৱ পাৱাৰ’ৰ এটা খণ্ডৰ শ্বুটিঙৰ খৰচ প্ৰায় ৪৮৩ কোটি টকা।

 চলিত বৰ্ষৰ এপ্ৰিল মাহত আমাজন প্ৰাইম ভিডিঅ’ অ’টিটি প্লেটফৰ্মত মুকলি কৰা হৈছিল ‘চিটাডেল’ ৱেব ছিৰিজ। ছয়টা খণ্ডৰ এই ধাৰাবাহিকখনত ৰিচাৰ্ড মেডেন আৰু এছলী কামিংছৰ দৰে হলী তাৰকাক বলীউডৰ অভিনেত্ৰী প্ৰিয়ংকা চোপ্ৰা জোনাছৰ সৈতে অভিনয় কৰা দেখা গৈছে। ‘চিটাডেল’ ৱেব ছিৰিজৰ প্ৰতিটো খণ্ডৰ মূল্য ভাৰতীয় মুদ্ৰাত ৪১৬ কোটি টকা বুলি দাবী কৰা হৈছে।

২০১৬ চনৰ পৰা নেটফ্লিক্স অ’টিটি প্লেটফৰ্মত মুক্তি লাভ কৰা ৱেব ছিৰিজ ‘ষ্ট্ৰেঞ্জাৰ থিংছ’। কল্পবিজ্ঞান আৰু ভয়ানকতাৰ মিশ্ৰণ এই ধাৰাবাহিকখনৰ মুঠ চাৰিটা ছিজন আছে। ৱেব ছিৰিজ ‘ষ্ট্ৰেঞ্জাৰ থিংছ’ৰ প্ৰতিটো ছিজনত আঠৰ পৰা নটা খণ্ড থাকে। প্ৰতিটো খণ্ডৰ শ্বুটিং কৰিবলৈ ২৪৮ কোটি টকাতকৈ অধিক খৰচ হৈছিল।

২০২১ চনত ডিজনী প্লাছ হটষ্টাৰ অ’টিটি প্লেটফৰ্মত মুক্তি লাভ কৰা ৱেব ছিৰিজ ‘ৱাণ্ডাভিছন’। শুনা যায় যে ৯টা খণ্ডৰ এই ধাৰাবাহিকখনৰ প্ৰতিটো খণ্ডৰ দৃশ্যগ্ৰহণৰ বাবে ২০৮ কোটি টকা খৰচ হৈছিল।

২০১১ চনৰ পৰা প্ৰচাৰিত হোৱা ৱেব ছিৰিজ ‘গেম অৱ থ্ৰ’নছ’ মুক্তিৰ পিছৰে পৰা জনপ্ৰিয় হৈ পৰিছে। ২০২২ চনত ‘গেম অৱ থ্ৰ’নছ’ৰ প্ৰিক্যুৱেল হিচাপে ‘হাউচ অৱ দ্য ড্ৰেগন’ নামৰ এখন ফেণ্টাচি ৱেব ছিৰিজ মুক্তি পায়। ১০ খণ্ডৰ ‘হাউচ অৱ দ্য ড্ৰেগন’ ৱেব ছিৰিজৰ প্ৰতিটো খণ্ডৰ মূল্য ভাৰতীয় মুদ্ৰাত ১৬৬.৫ মিলিয়ন টকা। জিঅ’ চিনেমাৰ অ’টিটি প্লেটফৰ্মত দেখা যাব এই ধাৰাবাহিকখন।

দ্বিতীয় বিশ্বযুদ্ধৰ প্ৰেক্ষাপটৰ আধাৰত ২০১০ চনৰ ৱেব ছিৰিজ ‘দ্য পেচিফিক’। জিঅ’ চিনেমাৰ অ’টিটি প্লেটফৰ্মত চাব পাৰিব এই ধাৰাবাহিকখন। ১০ খণ্ডৰ এই ধাৰাবাহিকখনৰ প্ৰতিটো খণ্ডৰ মূল্য ভাৰতীয় মুদ্ৰাত ১৬৬ কোটি ৫০ লাখ টকা।

চলিত বৰ্ষৰ আগষ্ট মাহত নেটফ্লিক্স অ’টিটি প্লেটফৰ্মত মুক্তি পাইছিল ‘ৱান পিচ’। আঠটা খণ্ডৰ এই ধাৰাবাহিকখনৰ প্ৰতিটো খণ্ডৰ শ্বুটিঙৰ বাবে ১৪ কোটি ১৫২ লাখ টকা খৰচ হয়।

২০১৯ চনত ডিজনী প্লাছ হটষ্টাৰ অ’টিটি প্লেটফৰ্মত মুক্তি পাইছিল ‘দ্য মেণ্ডালৰিয়ান’ ৱেব ছিৰিজৰ প্ৰথম ছিজন। ইতিমধ্যে এই ধাৰাবাহিকখনৰ তিনিটা ছিজন মুক্তি পাইছে। প্ৰতিটো ছিজনতো আঠটা খণ্ড থাকে। এই ধাৰাবাহিকখনৰ প্ৰতিটো খণ্ডৰ দৃশ্যগ্ৰহণৰ বাবে ভাৰতীয় মুদ্ৰাৰ প্ৰায় ১২৫ কোটি টকা ব্যয় কৰা হৈছে।