মাক হ’ল বিপাশা বসু ! নৱজাতকৰ প্ৰথম খন ফটো শ্বেয়াৰ কৰিলে কৰণ-বিপাশাই

পৰিয়ালত এজন নতুন সদস্যৰ আগমনৰ বতৰা পাই তেওঁলোকে সকলোকে সুখী হৈ পৰিছিল। বিপাশা বসুৰ মাতৃ হোৱাৰ বাতৰি শুনি ছ'চিয়েল মিডিয়াত শুভেচ্ছাৰে ভৰি পৰিছে। কৰণ-বিপাশাই এতিয়া নৱজাতক এটিক  কোলাত লৈ ছবি উঠিছে আৰু সেয়া অনুৰাগীৰ বাবে শ্বেয়াৰো কৰিছে। তেওঁলোকৰ এই ছবিখন ভাইৰেল হৈ পৰিছে। নেটিজেনসকলে বিপাশা আৰু কৰণক শুভেচ্ছা জ্ঞাপন কৰি ছ’চিয়েল মিডিয়া ভৰাই পেলাইছে। 

কেইবছৰমান আগতে বংগৰ কন্যা বিপাশা বসুৱে  পাঞ্জাৱী অভিনেতাজনৰ সৈতে  অতি ধুমধামেৰে বিয়াত বহিছিল। কৰণৰ আগতে, বিপাশাই বলীউডৰ কেইবাজনো নায়কৰ সৈতে প্ৰেমৰ সম্পৰ্ক ৰক্ষা কৰিছিল। তেওঁলোকৰ ভিতৰত জন আব্ৰাহামৰ সৈতে তেওঁৰ সম্পৰ্ক আটাইতকৈ দীঘলীয়া আছিল। অৱশ্যে বলীউডৰ সুন্দৰীগৰাকীয়ে অৱশেষত জনৰ সৈতে তেওঁৰ সম্পৰ্ক ছেদ কৰে আৰু কৰণক তেওঁৰ জীৱন সংগী হিচাপে বাছনি কৰে।বিপাশাৰ সৈতে  কৰণৰ প্ৰথম বিবাহ নাছিল। তেওঁ আগতে জনপ্ৰিয় দূৰদৰ্শন অভিনেত্ৰী জেনিফাৰ উইংগেটৰ সৈতে বিবাহপাশত আৱদ্ধ হৈছিল। তেওঁলোকৰ বিবাহ বিচ্ছেদৰ পিছত বিপাশা তেওঁৰ  জীৱনলৈ আহিছিল। 

আজি ইমান বছৰ পাৰ হৈ গৈছে আৰু তেওঁলোকৰ সম্পৰ্কত কোনো ফাঁট  নাই। কৰণ-বিপাশাই  যোৱা আগষ্ট মাহত গৰ্ভধাৰণৰ ভাল খবৰটো জানিছিল। তেতিয়াৰে পৰা অনুৰাগীসকলে তেওঁলোকৰ সন্তানৰ মুখ চাবলৈ আগ্ৰহেৰে অপেক্ষা কৰি আছে। ছ'চিয়েল মিডিয়াত ভাইৰেল হৈ পৰা ছবিখনত দেখা গৈছে যে  নৱজাতকটি কৰণৰ কোলাত শুই আছে। কৰণে তেওঁক অতি মৰমেৰে চাই আছে। অৱশ্যে ছবিখন আজিৰ নহয়, কৰণে  ২০১৯ চনত তেওঁৰ কোলাত এটা শিশুৰ সৈতে ছবিখন শ্বেয়াৰ কৰিছিল। ফটোখন আকৌ এবাৰ সামাজিক মাধ্যমত ভাইৰেল হৈ পৰিছে। এই শিশুটো কৰণ-বিপাশাৰ সন্তান নহয়। অৱশ্যে, নেটিজেনসকলে তেওঁলোকৰ সন্তানৰ মুখ  চাবলৈ ইমান আগ্ৰহী যে এই পুৰণি ছবিখনতে অভিনন্দন বাৰ্তাৰ বন্যা  বৈছে।