হোটেল বয়ৰ পৰা বলীউডৰ নায়কলৈ উত্তৰণ ৰণবীৰ হুডাৰ জীৱনৰ চমকপ্ৰদ কাহিনী

হাৰিয়ানাৰ ৰোহতক জিলাৰ বাসিন্দা ৰণদীপৰ জন্ম হৈছিল ১৯৭৬ চনত। দেউতাক পেছাত এজন অস্ত্ৰোপচাৰ বিশেষজ্ঞ আৰু মাতৃ এগৰাকী সমাজকৰ্মী। ৰণদীপৰ বয়স যেতিয়া ৮ বছৰ হৈছিল তেতিয়া তেওঁৰ পৰিয়ালে তেওঁক সোণেপাটৰ এম এন এছ এছ বৰ্ডিং স্কুললৈ পঠিয়াইছিল। তাৰ পৰাই তেওঁ পঢ়া-শুনা সম্পূৰ্ণ কৰিছিল। ইয়াৰ পিছতে তেওঁ দিল্লীৰ প্ৰতিষ্ঠিত আৰ কে পুৰমত নামভৰ্তি কৰে। ইয়াৰ পাছত তেওঁ উচ্চ শিক্ষাৰ বাবে অষ্ট্ৰেলিয়া চহৰলৈ যায়। তাত তেওঁ মাৰ্কেটিং আৰু বিজনেছ মেনেজমেণ্টত স্নাতকোত্তৰ ডিগ্ৰী লাভ কৰে। অষ্ট্ৰেলিয়াত পঢ়া-শুনা কৰি থাকোঁতে ৰণদীপে চীনা ৰেষ্টুৰেণ্ট এখনত কাম কৰিছিল, গাড়ী চাফা কৰিছিল আনকি টেক্সিও চলাইছিল। ২ বছৰৰ পাছত তেওঁ ভাৰতলৈ উভতি আহি বিমান সংস্থাৰ মাৰ্কেটিং বিভাগত চাকৰি কৰি কৰ্মজীৱনৰ পাতনি মেলে।

২০০১ চনত মীৰা নাইৰৰ মনছুন ৱেডিং নামৰ ছবিখনেৰে ৰনদীপে বলীউডত অভিষেক ঘটায়। এই ছবিখনত তেওঁ এগৰাকী প্ৰবাসীৰ চৰিত্ৰত অভিনয় কৰিছিল। মনছুন ৱেডিংত  শক্তিশালী চৰিত্ৰত অভিনয় কৰাৰ ৪বছৰৰ পাছত তেওঁ দ্বিতীয়টো প্ৰজেক্ট পাইছিল। ইয়াৰ পাছত ২০০৫ চনত ৰণদীপে আণ্ডাৰৱৰ্ল্ড ওপৰত ডি ছবিৰ জৰিয়তে বহু শিৰোনাম দখল কৰিছিল। এই ছবিখনেই আছিল ৰনদীপৰ কেৰিয়াৰৰ টাৰ্নিং পইণ্ট। এই ছবিখনে ৰণদীপক তাৰকা কৰি তুলিছিল।

ৰণদীপ হুদা তেওঁৰ কৰ্মক লৈ ইমানেই একাগ্ৰ আছিল যে ২০১৬ চনত ঐশ্বৰ্য ৰায়ৰ সৈতে তেওঁৰ ছবি সৰবজিত মুক্তি পালে। এই ছবিখনত মুখ্য চৰিত্ৰত আছিল ৰণদীপ। সৰবজিতৰ পৰিচালনা কৰিছিল ওমুং কুমাৰে। এটা প্ৰকৃত ঘটনাৰ আধাৰত নিৰ্মাণ কৰা হৈছিল এই ছবিখন। উল্লেখযোগ্য যে সৰবজিত এজন ভাৰতীয় আছিল যি ২২ বছৰ পাকিস্তানত কাৰাগাৰত বন্দী হৈ আছিল। বৰ্তমান পাকিস্তানৰ কাৰাগাৰত সংঘটিত হোৱা এক ঘটনাৰ বাবে কিছুবছৰ পূৰ্বে তেওঁৰ মৃত্যু হৈছিল।

এই ছবিখনৰ বাবে সৰবজিতৰ লুকত সোমাবলৈ ৰণদীপে বহুত কষ্ট কৰিবলগীয়া হৈছিল। এই সময়ত ৰনদীপে কঠোৰ প্ৰশিক্ষণ লৈ ৰাইজৰ সন্মুখত এনে ৰূপত আহিলে চকুত চিনিব পৰাটো কঠিন হৈ পৰিল। সংবাদ মাধ্যমৰ খবৰ অনুসৰি মাত্ৰ ২৮ দিনতে ৰণদীপৰ ওজন কমিছিল ১৮ কেজি। ইয়াৰ বাবে ৰণদীপৰ ভগ্নী ডাঃ অঞ্জলি হুডাই তেওঁক সহায় কৰিছিল।