৭৫ বছৰত ভৰি দিলে হেমা মালিনীয়ে! স্বামী ধৰ্মেন্দ্ৰৰ পৰা পোৱা ‘সৰ্বশ্ৰেষ্ঠ উপহাৰ’ৰ কথা কৰিলে প্ৰকাশ

অনুৰাগীয়ে তেওঁৰ মনোমোহা অভিনয়ৰ বাবে প্ৰায়ে প্ৰশংসা কৰে। আজি বলীউডৰ ড্ৰিম গাৰ্লগৰাকীয়ে জীৱনৰ ৭৫ বছৰত ভৰি দিছে। শেহতীয়াকৈ আজি জন্মদিন উদযাপন কৰা কিংবদন্তি অভিনেত্ৰীগৰাকীয়ে জন্মদিনত স্বামী ধৰ্মেন্দ্ৰৰ পৰা লাভ কৰা শ্ৰেষ্ঠ উপহাৰটোৰ কথা প্ৰকাশ কৰিছে। লগতে হেমাই কৈছে যে তেওঁ সম্পূৰ্ণৰূপে নিজৰ মাজত নিমগ্ন হৈ থকাৰ বাবে সময় যে বেছি বেগেৰে উৰি গৈছে সেই কথা উপলব্ধি কৰিবই পৰা নাছিল।

প্ৰবীণ অভিনেতা ধৰ্মেন্দ্ৰৰ সৈতে বিবাহপাশত আবদ্ধ হোৱা হেমা মালিনীয়ে কয় “মোৰ স্বামী মোৰ জন্মদিনৰ বাবে ইয়ালৈ আহিছে, আৰু তেওঁ মোক দিয়া আটাইতকৈ ডাঙৰ উপহাৰটো হৈছে তেওঁ আমাৰ সৈতে সময় কটাইছে।” উল্লেখযোগ্য যে অভিনেতা ধৰ্মেন্দ্ৰ আমেৰিকাৰ পৰা উভতি আহিছে হেমাৰ ওচৰলৈ গৈ জন্মদিনৰ শুভকামনা জনাইছে।