দেখাত একেবাৰে সুশান্ত সিং ৰাজপুতৰ দৰে, হৃত্বিকৰ কাষত কোন এই অভিনেতা?

এই ছবিখন দেখাৰ পাছত ক্ষন্তেক সময়ৰ বাবে মানুহৰ এনে লাগিল যেন সুশান্ত ঘূৰি আহিছে। হয়, কিন্তু এয়া সম্ভৱ নহয়। আচলতে এই ছবিখনত হৃত্বিক ৰোশনৰ সৈতে দেখা পোৱা ব্যক্তিজন আন কোনো নহয় অভিনেতাজনৰ ষ্টাণ্টমেন মনছুৰ আলী খান। কাৰ ফটো দেখি মানুহে সুশান্তক মনত পেলাইছে। এই ছবিখন শেহতীয়াকৈ এজন পাপাৰাজীয়ে তেওঁৰ ইনষ্টাগ্ৰাম একাউণ্টত শ্বেয়াৰ কৰিছে। মনছুৰে এই ফটোখন  হৃত্বিকৰ জন্মদিনত শ্বেয়াৰ কৰিছিল।

ফটোখন ভাইৰেল হোৱা দেখি অনুৰাগীসকল সম্পূৰ্ণ আচৰিত হৈ পৰে। কেৱল এয়াই নহয়, মানুহবোৰো বৰ আৱেগিক হৈ পৰিছে। সুশান্তৰ চেহেৰা আৰু উচ্চতাৰ সৈতে মনছুৰৰ সাদৃশ্য দেখি সকলো আচৰিত হয় । ২০২০ চনত সুশান্তৰ মৃত্যু হৈছিল। ২০২০ চনৰ জুন মাহত বান্দ্ৰাৰ ফ্লেটত সুশান্তক মৃত অৱস্থাত উদ্ধাৰ কৰা হৈছিল। আজি সুশান্ত আমাৰ লগত নাথাকিলেও অনুৰাগীৰ হৃদয়ত তেওঁৰ স্মৃতি সদায় সজীৱ হৈ থাকিব। সুশান্ত কেৱল ৰিলত নহয় বাস্তৱ জীৱনতো এনেকুৱা এজন ব্যক্তি আছিল, যাক পাহৰি যোৱাটো সহজ নহয়।

একে সময়তে মানুহে এই ফটোখন ছ’চিয়েল মিডিয়াত ক্ৰমান্বয়ে শ্বেয়াৰ কৰিছে। লগতে নিজৰ নিজৰ প্ৰতিক্ৰিয়া দিছে।  এজন অনুৰাগীয়ে আনকি লিখিছে যে দুছেকেণ্ডৰ বাবে মই তেওঁক সুশান্ত বুলি ভাবিছিলো। একে সময়তে আন এজন ইউজাৰে লিখিছে যে সুশান্ত যে এই পৃথিৱীত নাই, আজিও বিশ্বাস কৰা হোৱা নাই... এই মন্তব্যবোৰৰ পৰা অনুমান কৰিব পাৰি যে অভিনেতাজনৰ ফেন ফ’ল’ৱাৰ কিমান আছিল। লগতে, মানুহে তেওঁক কিমান ভাল পাইছিল সেয়াও বুজিব পৰা গৈছে। আজিও বহুতে তেওঁৰ মৃত্যুক বিশ্বাস কৰিব পৰা নাই।