কেজিএফ আৰু বাহুবলীক টক্কৰ দিবলৈ সাজু কমল হাছান! জন্মদিনত মুকলি কৰিলে ‘থাগ লাইফ’ৰ বিস্ফোৰক টিজাৰ

এই ছবিখনৰ কেইছেকেণ্ডমানৰ টিজাৰে ইংগিত দিলে যে এই ছবিখনে ‘কে জি এফ’ আৰু ‘বাহুবলী’ৰ অভিলেখ ভংগ কৰিব পাৰে। এই কেইছেকেণ্ডমানৰ টিজাৰত কমল হাছানৰ প্ৰৱেশৰ পৰাই ছবিখনৰ চিত্ৰকল্প প্ৰচণ্ড যিয়ে আপোনাক এক অনন্য অনুভৱ প্ৰদান কৰিব।

কমল হাছানে জন্মদিনত এই টিজাৰটো মুকলি কৰি আকৌ এবাৰ অনুৰাগীৰ হৃদয় জয় কৰিবলৈ সক্ষম হয়। এই টিজাৰৰ আৰম্ভণিতে দেখা গৈছে এখন পথাৰ। য’ত কমল হাছানক অকলে থিয় হৈ থকা দেখা গৈছে। অভিনেতাজনে ক্ৰীম ৰঙৰ চাদৰ পিন্ধি হাত দুখনত বেণ্ডেজ বান্ধিছে। দীঘল চুলি, খঙাল চকু আৰু কাৰাটে একচন কৰি থকা দেখা গৈছে। ইয়াৰ পাছত আপুনি দেখিব যে ক’লা কাপোৰ পিন্ধা কিছুমান মানুহ তেওঁৰ ফালে দৌৰি গৈছে। কেইমিনিটমানৰ ভিতৰতে কমল হাছানে এই সকলো মানুহক ইমানেই কষ্ট দিয়ে তেওঁলোক উফৰি যায়।

এই ছবিখনৰ নাম আগতে ‘KH 234’ আছিল। কিন্তু পিছলৈ ইয়াক থাগ লাইফলৈ সলনি কৰা হয়। শীঘ্ৰেই মুক্তি পাব ছবিখনৰ ট্ৰেইলাৰ। বৰ্তমান এই ছবিখন প্ৰি-প্ৰডাকচন পৰ্যায়ত আছে আৰু অতি সোনকালে চূড়ান্ত পৰ্যায়ত উপনীত হ’ব।

মণি ৰত্নমৰ বেনাৰত নিৰ্মাণ কৰা হৈছে থাগ লাইফ ছবিখন। কমল হাছানেও এই ছবিখনত ধন বিনিয়োগ কৰিছে। কমলৰ উপৰিও দুল্কুৰ ছালমান, জয়ম ৰবি, অভিৰামী আৰু নাছিৰে ছবিখনত মুখ্য চৰিত্ৰত অভিনয় কৰিছে। ছবিখনৰ পৰিচালনা কৰিছে মণি ৰত্নমে। ছবিখনৰ কেইছেকেণ্ডমানৰ টিজাৰে সকলোৰে মনত উন্মাদনা আনি দিছে। ইয়াক প্যান ইণ্ডিয়াত মুক্তি দিয়া হ’ব। আপুনি হিন্দী, তামিল, তেলেগু, কানাড়া আৰু মালয়ালম ভাষাত ছবিখন চাব পাৰিব।