অনুৰাগ বসুৰ সৈতে একেলগে উঠা বহু পুৰণি এখন বিশেষ ছবি শ্বেয়াৰ কৰি আবেগিক কংগনা, কি ক’লে কংগনাই?

অভিনেত্ৰীগৰাকীয়ে শেহতীয়াকৈ  বলীউডৰ উদ্যোগটোত ১৭ বছৰ সম্পূৰ্ণ কৰিছে। এনে সময়তে  অভিনেত্ৰীগৰাকীয়ে তেওঁৰ ইনষ্টাগ্ৰামত  চলচ্চিত্ৰ নিৰ্মাতা অনুৰাগ বসুৰ সৈতে এখন বিশেষ ফটো শ্বেয়াৰ কৰিছে৷ফটোখনত বসুৱে কংগনাক কিবা বুজাই থকা দেখা গৈছে ৷ কংগনাই কাছতে বহি মনোযোগেৰে বসুৰ কথা শুনি আছে৷  কংগনাই ক'লা আৰু বগা পোছাক পিন্ধি থকাৰ লগতে অনুৰাগে নীলা জিন্সৰ সৈতে বগা চাৰ্ট পিন্ধিছিল । শিৰোনামটোত কংগনাই প্ৰকাশ কৰিছে যে ছবিখন এনে এটা সময়ত তোলা হৈছিল যেতিয়া তেওঁ ২০০৭  চনত লাইফ ইন এ মেট্ৰ' চলচ্চিত্ৰত কাম কৰি আছিল।

কংগনাই লিখিছে "১৭ বছৰ আগতে ২০০৬ চনৰ ২৮ এপ্ৰিলত মোক পোহৰলৈ অনা  এই বিশাল প্ৰতিভাক(অনুৰাগ বসু) ধন্যবাদ জনাইছো৷  ইয়াত মেট্ৰ' ছেটত (২০০৬)  তোলা তেওঁৰ আৰু মোৰ এখন ছবি আছে। তু চুপ কাৰ (আপুনি চুপ থাকা) তেওঁৰ প্ৰিয় কথা আছিল। মই তোমাক ভালপাওঁ অনু৷ সকলো বোৰৰ বাবে ধন্যবাদ," ৷ কংগনাই পুনৰ কৈছে , "মোক কোৱা হৈছিল যে অভিনেত্ৰীসকলৰ ২-৫ বছৰৰ স্থায়িত্ব থাকে। ঠিক আছে, মই কালি ১৭ বছৰ সম্পূৰ্ণ কৰিলো’’৷ 

অনুৰাগ বসুৱে পৰিচালনা কৰা লাইফ ইন এ মেট্ৰ'  ছবি খনত   কংগনা ৰাণাৱট, শিল্পা চেট্টী, কে কে মেনন, শ্বাইনী আহুজা, ইৰফান খান, ধৰ্মেন্দ্ৰ, নাফিছা আলী, কঙ্কনা সেনশৰ্মা আৰু শৰমন যোশীয়ে  অভিনয় কৰিছিল।

ইফালে কংগনাক শীঘ্ৰেই চন্দ্ৰমুখী ২ ত দেখা যাব। ইয়াৰ উপৰি কংগনাই নিজৰ  ইমাৰ্জেন্সী ছবিৰ বাবেও কাম কৰি আছে৷ ইমাৰ্জেন্সী ছবি খনত কংগনাই  মুখ্য চৰিত্ৰত অভিনয় কৰাই নহয় , ছবি খন  ইয়াক পৰিচালনাও কৰিছে। ছবি খনত কংগনাক ভাৰতৰ প্ৰয়াত  প্ৰাক্তন প্ৰধানমন্ত্ৰী ইন্দিৰা গান্ধীৰ চৰিত্ৰত অভিনয় কৰা দেখা যাব।