বহু আগশাৰীৰ অভিনেত্ৰীয়ে চিনেমাত অভিনয় কৰি পইচা নাপায়, ময়েই একমাত্ৰ যিয়ে অভিনেতাৰ সমানেই মাননি পাওঁ: গৰ্বেৰে ক’লে কংগনাই

 শেহতীয়াকৈ প্ৰিয়ংকা চোপ্ৰাই ইনষ্টাগ্ৰামত এটা চমু ক্লিপ শ্বেয়াৰ কৰিছে। প্ৰিয়ংকাই কৈছে  যে বলীউডত ৬০  খন চলচ্চিত্ৰত কাম কৰাৰ পাছতো  অভিনেতাসকলৰ পাৰিশ্ৰমিকৰ তুলনাত মাত্ৰ ১০  শতাংশ তেওঁক দিয়া হৈছিল। কংগনা ৰাণাৱটে প্ৰিয়ংকাৰ ভিডিঅ' ক্লিপটো শ্বেয়াৰ কৰিছে  আৰু ইনষ্টাগ্ৰামত তেওঁৰ মতামত প্ৰকাশ কৰিছে।

প্ৰিয়ংকাক সমৰ্থন কৰি কংগনাই লিখিছিল, "এয়া  সঁচা যে মোৰ আগৰ নায়িকাসকলে কেৱল এই পুৰুষতান্ত্ৰিক শাসনৰ প্ৰতি নমস্কাৰ জনাইয়েই আছিল... ময়েই উদ্যোগটোত মাননিৰ সমতাৰ বাবে যুঁজ দিয়া প্ৰথম আছিলোঁ আৰু আটাইতকৈ ঘৃণনীয় অভিজ্ঞতাৰ  সন্মুখীন হৈছিলো। মোক বিনামূলীয়াকৈ কাম কৰাৰ প্ৰস্তাৱো দিয়া হৈছিল। মই নিশ্চিতভাৱে ক'ব পাৰোঁ যে বেছিভাগ আগশাৰীৰ নায়িকাই আন সুবিধা পালেও মাননি নোলোৱাকৈয়ে  ছবিত কাম  কৰিবলৈ সন্মত হৈছিল, কিয়নো তেওঁলোকে ভয় কৰিছিল যে ছবিখন তেওঁলোকৰ হাতৰ পৰা ওলাই যাব। এতিয়া আকৌ, তেওঁলোকে দাবী কৰে যে তেওঁলোকক সৰ্বাধিক মাননি  পৰিশোধ কৰা হয়।’’

দৰাচলতে, কংগনা আৰু প্ৰিয়ংকাই ২০০৮  চনত ফেশ্বন ছবি খনত একেলগে কাম কৰিছিল। দুয়োগৰাকী অভিনেত্ৰীক ছবিখনৰ বাবে ৰাষ্ট্ৰীয় চলচ্চিত্ৰ বঁটা প্ৰদান কৰা হৈছিল।  প্ৰিয়ংকা চোপ্ৰাই বলীউডত চলি থকা  ৰাজনীতিৰ বিষয়ে মুকলিকৈ কোৱাৰ পিছতে তেওঁৰ শত্ৰু বাঢ়িছিল। আনকি  কংগনাৰ সৈতেও  প্ৰিংয়কাৰ প্ৰায়ে বিবাদ লাগি আহিছে। কিন্তু এইবেলি মাননিৰ প্ৰসংগত প্ৰিয়ংকাক সমৰ্থন জনালে কংগনাই।