কন্যা ছুপাৰষ্টাৰ, মাতৃ ৮ ঘণ্টা ব্যস্ত থাকে খেতিত! কংগনাৰ খোলাচাত হতবাক নেটিজেন

কংগনাই এই ফটোখন টুইটাৰত শ্বেয়াৰ কৰিছে য’ত তেওঁৰ মাতৃয়ে অতি উৎসাহেৰে খেতিৰ কামত নিয়োজিত হৈ থকা দেখা গৈছে। ডাঙৰ পথাৰ এখনৰ মাজত বহি কংগনাৰ মাতৃক কিবা কাম কৰি থকা দেখা গৈছে। ফটোখনৰ লগতে কংগনাই কেপচনত লিখিছে- ''এইজনী মোৰ মা যিয়ে প্ৰতিদিনে ৭-৮ ঘণ্টা খেতি কৰে। প্ৰায়ে মানুহে আমাৰ ঘৰলৈ আহি মোক কয় যে আমি আপোনাৰ মাতৃক লগ পাব বিচাৰো। অতি নম্ৰতাৰে মোৰ মায়ে হাত ধুই চাহ-পানী দি কয় যে ময়ে কংগনাৰ মা। তেতিয়া মানুহৰ চকু থৰ লাগি থতমত খাই যায়।''

কংগনাই লগতে লিখিলে- ''এবাৰ মই মাক ক’লোঁ যে ইমানবোৰ মানুহ ঘৰলৈ আহে, সকলোৰে বাবে নিজে চাহ-খাদ্য প্ৰস্তুত কৰাৰ কি প্ৰয়োজন, তেওঁ ক’লে তেনে কথা নহয়, আমি সৌভাগ্যৱান যে তোমাক ইমান বিচৰা মানুহক আমি সেৱা আগবঢ়াব পাৰো। ধন্য মোৰ মা আৰু তেওঁৰ চৰিত্ৰ।'' 

ইয়াৰ উপৰিও অৱশ্যে কংগনাই মাতৃৰ ওপৰত এটা অভিযোগ থকা বুলিও কয়। কংগনাই কয় যে- ''এটা অভিযোগ আছে, মোৰ মায়ে ছবিৰ চেটত আহিব নিবিচাৰে, বাহিৰত খাব নিবিচাৰে, কেৱল ঘৰৰ খাদ্যহে খায়, মুম্বাইত থাকিব নিবিচাৰে, বহিঃৰাজ্যলৈ যাব নিবিচাৰে। আৰু যদি আমি জোৰ কৰি লৈ যাওঁ, তেন্তে বহুত বকবকনি শুনিবলগীয়া হয়।''

কংগনাৰ এই পষ্ট ভাইৰেল হৈ পৰিছে। অনেক লোকে মন্তব্য কৰি কয় যে ''সাধাৰণতে ছুপাৰষ্টাৰৰ পিতৃ-মাতৃক এনে ৰূপত দেখা নাযায় কিন্তু আপোনাৰ মাতৃৰ এই সাধাৰণ জীৱন শৈলীয়ে আমাক আপ্লুত কৰিছে।''

উল্লেখ্য যে কংগনা ৰাণাৱটে মাতৃক বহুত সন্মান কৰে আৰু তেওঁক বহুত ভাল পায়। মাতৃ আশা ৰাণাৱটৰ সৈতে তেওঁ ছ'চিয়েল মিডিয়াত ফটো শ্বেয়াৰ কৰি থাকে আৰু সকলো কামৰ বাবে মাকক ধন্যবাদ জনায়। ৱৰ্ক ফ্ৰণ্টৰ কথা ক’বলৈ গ’লে কংগনা ৰাণাৱটক শেষবাৰৰ বাবে ২০২২ চনত 'ধাকড়' চিনেমাত দেখা গৈছিল। ছবিখনে অনুৰাগীৰ পৰা ভাল সঁহাৰি নাপালে। বৰ্তমান তেওঁ তেজস, টিকু ৱেডছ শ্বেৰু, চন্দ্ৰমুখী ২ আৰু ইমাৰ্জেন্সিৰ কামত ব্যস্ত হৈ আছে।