ওজন কমাবলৈ কৰিছিল প্লাষ্টিক চাৰ্জাৰী! ২১ বছৰীয়া অভিনেত্ৰীৰ কৰুণ মৃত্যু

অস্ত্ৰোপচাৰত হোৱা ভুলৰ বাবে পাছদিনাই তেওঁৰ হাওঁফাওঁত সমস্যাই দেখা দিয়ে। হাওঁফাওঁৰ সমস্যাই গুৰুতৰ ৰূুপ লোৱাত চেতনা ৰাজৰ মৃত্যু হয়। চেতনাই পিতৃ-মাতৃক অস্ত্ৰোপচাৰৰ কথা কোৱা নাছিল। বন্ধু-বান্ধৱীৰ সৈতে লগ লাগি তেওঁ অকলে অস্ত্ৰোপচাৰৰ বাবে চিকিৎসালয়ত ভৰ্তি হৈছিল। অস্ত্ৰোপচাৰৰ পাছত অভিনেত্ৰীগৰাকীৰ শৰীৰত কিছু জটিলতা আৰম্ভ হয় আৰু অভিনেত্ৰীগৰাকীৰ হাওঁফাওঁত তৰল পদাৰ্থ জমা হ’বলৈ ধৰে, তাৰপাছতে চেতনাৰ মৃত্যু হয়। 

অভিনেত্ৰীগৰাকীৰ অভিভাৱকে চিকিৎসকসকলৰ গাফিলতিৰ অভিযোগ উত্থাপন কৰাৰ লগতে চিকিৎসালয়খনৰ প্ৰশাসনৰ বিৰুদ্ধেও এজাহাৰ দাখিল কৰিছে। চেতনাৰ কথা ক’বলৈ গ’লে তেওঁ আছিল কানাড়া টিভি উদ্যোগৰ এগৰাকী বিখ্যাত অভিনেত্ৰী। 

বহু টিভি শ্ব’ত কাম কৰি তেওঁ নিজৰ বিশেষ পৰিচয় গঢ়ি তুলিছিল। গীতা আৰু দোৰেছানী ধাৰাবাহিকত কৰা শক্তিশালী অভিনয়ৰ বাবে পৰিচিত হৈ পৰিছিল চেতনা ৰাজ। চেতনাই হঠাৎ এই পৃথিৱীৰ পৰা আঁতৰি যোৱাত তেওঁৰ পৰিয়ালটো গভীৰভাৱে দুখত ভাগি পৰিছে। চেতনাৰ মৃত্যুৰ খবৰ পাই তেওঁৰ অনুৰাগীসকল শোকত মৰ্মাহত হৈ পৰিছে।

আৰু পঢ়কঃ ১২৮ বছৰতো সুস্বাস্থ্যৱান এইগৰাকী বৃদ্ধা! সৰুতে খাইছিল এই তিনিবিধ বিশেষ বস্তু