'মন্নত’ত গোটেই ৰাতি কিং খানৰ স’তে পাৰ্টি কৰি আহ্লাদিত এইগৰাকী নৱাগত অভিনেতা! জনালে অভিজ্ঞতা

‘জোৱান’ মুক্তি পোৱাৰ পিছত শ্বাহৰুখ খানে সিদ্ধান্ত চতুৰ্বেদীক নিজৰ বাংলো মন্নতলৈ নিমন্ত্ৰণ জনাইছিল।  সিদ্ধান্তৰ বাবে সপোনতকৈ সেয়া কম নাছিল। অভিনেতাজন ব্যস্ত হৈ পৰিছে তেওঁৰ আগন্তুক ছবি ‘খো গায় হম কহান’ৰ প্ৰচাৰত।

সাক্ষাৎকাৰৰ সময়ত সিদ্ধান্ত চতুৰ্বেদীয়ে শ্বাহৰুখ খানৰ মন্নতৰ অভিজ্ঞতা ব্যক্ত কৰে। অভিনেতাজনে ক’লে যে, মই মোৰ বন্ধুসকলৰ সৈতে ছ’হ হাউচত চিলিং কৰি আছিলো, য’ত অনন্যা আৰু চুহানা খানও উপস্থিত আছিল। এই সময়ছোৱাত তেওঁ প্ৰথমবাৰৰ বাবে শ্বাহৰুখ খানক লগ পাইছিল। অৱশ্যে ২ ঘণ্টাৰ পাছত তেওঁ পুনৰ চিৰিৰ ওচৰত শ্বাহৰুখক লগ পালে।

শ্বাহৰুখ খানে সিদ্ধান্তক সুধিলে, তেওঁ ক’লৈ গৈ আছে? যাৰ উত্তৰত অভিনেতাজনে কয় যে তেওঁ ঘৰলৈ যাব। এই কথা শুনি শ্বাহৰুখ খানে তেওঁক মন্নত আহিবলৈ ক’লে। তাৰ পৰা গাড়ী এখন লৈ শ্বাহৰুখ খানৰ বাংলো মান্নাত গ’ল সিদ্ধান্ত। অভিনেতাজনে কয়- ''আমি তাত উপস্থিত হোৱাৰ সময়ত ৰজা খানও আহি পোৱা নাছিল আৰু আমি সকলোৱে তেওঁৰ ঘৰত বহি খাই আছিলো। ৫ মিনিটৰ পিছত শ্বাহৰুখ খানে ঘৰত প্ৰৱেশ কৰাৰ লগে লগে সংগীতৰ সমগ্ৰ দায়িত্ব ল’লে।

ইয়াৰ পিছত সিদ্ধান্ত চতুৰ্বেদী আৰু তেওঁৰ বন্ধুসকলৰ সৈতে শ্বাহৰুখ খানে ৰাতিপুৱা ৫ বজালৈকে নৃত্য কৰে। পাৰ্টিৰ পিছত শ্বাহৰুখ খানেও সকলোকে নিজ নিজ ঘৰত থৈ আহে। সিদ্ধান্তই কয়- ''মোৰ বাবে সেয়া যথেষ্ট আছিল যে মই শ্বাহৰুখ ছাৰক লগ পাইছো, কিন্তু মই মোৰ বন্ধুসকলক শ্বাহৰুখ খানৰ লগত চিনাকি কৰাই দিব পাৰিছো। যিটো এটা ডাঙৰ কথা।’’