অনুৰাগীৰ বাবে উৎসৰ্গিত! তাৰকাই পাহৰি যায় নেকি নিজৰ জীৱনৰ মোল?

ডিজিটেল ডেস্কঃ কেকেৰ মৃত্যুৰ লগে-লগে এতিয়া পোহৰলৈ আহিছে নানান কথা। গায়কজনৰ স্বাভাৱিক মৃত্যু হোৱা বুলি এতিয়া পোহৰলৈ আহিছে যদিও বহুতো লোকে এতিয়া এই মৃত্যুক সহজভাৱে লব পৰা নাই। বিষাদসিক্ত হৈ পৰিল চৌপাশৰ পৰিৱেশ। আকুল জনতাৰ কান্দোনৰ ৰোল উঠিল। এনে মৃত্যু কেনেকৈ সম্ভৱ, সেই প্ৰশ্নই এতিয়া অনুৰাগীক খুলি-খুলি খাইছে। এটা উত্তাল উজ্জীৱিত সংগীতা অনুষ্ঠান অকলে চম্ভালি, এটা-এটাকৈ মুঠ ২০ টা গীত গাই শ্ৰোতাক আপ্লুত কৰি পিছমুহূৰ্ততে এজন ৫৪ বছৰীয়া সুঠাম যুৱকৰ কেনেকৈ মৃত্যু হব পাৰে।  

সাধাৰণতে মানুহৰ শিল্পী হৈ থকা গায়ক, অভিনেতাসকলে বহু সময়ত পাহৰি পেলাই নিজক যতন লবলৈ। স্বাধীন হৈ থাকিব বিছৰা শিল্পীসকলে মানুহৰ মাজতে বিলীন হৈ থাকিব বিছাৰে। সকলোৱে এতিয়া কৱ খোজে যে, শিল্পীসকলেও তেওঁলোকৰ দেহৰ যতন লব লাগে, এইক্ষেত্ৰত কেকেৰ আকস্মিক বিয়োগো মানুহৰ মাজত অনেক প্ৰশ্ন উত্থাপন কৰিছে। যদি কেকে অলপো যদি নিজৰ কথা ভাবিলে হয়, তেওঁ নিশ্চিতভাৱে মৃত্যুৰ পৰা ৰক্ষা পৰিল হয়। বিকল এচি, অতিৰিক্ত জনসমাগম এই দিশবিলাকৰ ক্ষেত্ৰত গুৰুত্ব দিব লাগিছিল শিল্পীজনে, যিটো তেওঁ নকৰিলে।

বহুসময়ত এই শিল্পীসকলে তেওঁলোকৰ অনুৰাগীৰ কথা ভাবি, অনিচ্ছা স্বৰ্তেও গীত বা অনুষ্ঠান পৰিৱেশন কৰিব লগা হয়। এটাসময়ত অমিতাভ বচ্চনো বহুবাৰ চিকিৎসকৰ কাষ চাপিব লগা হৈছিল। সাধাৰণতে দেখা যায় যে, গায়ক শিল্পীসকলৰ তুলনাত খেলুৱৈসকলে যথেষ্ট শাৰীৰিক অনুশীলন কৰে, যিটো শিল্পীসকলৰ মাজত অভাৱ দেখা যায়।