ডিজিটেল ডেস্কঃ চিনেমা জগতৰ বাবে এক দুখৰ খবৰ। বহু মালয়ালম ছবিত অভিনয়ৰ দক্ষতা প্ৰদৰ্শন কৰা অভিনেতা বিনোদ থমাছৰ মৃত্যু হৈছে। বিনোদৰ মৃত্যুৰ পৰিস্থিতিৰ ওপৰত বহু প্ৰশ্ন উত্থাপন হৈছে। কেৰালাৰ এখন হোটেলত ৰখাই থোৱা এখন গাড়ীত ৪৫ বছৰীয়া বিনোদক মৃত অৱস্থাত উদ্ধাৰ কৰা হয়। বৰ্তমান আৰক্ষীয়ে অভিনেতাজনৰ মৃতদেহ মৰণোত্তৰ পৰীক্ষাৰ বাবে প্ৰেৰণ কৰিছে।
এই বিষয়ে হোটেল পৰিচালনা সমিতিয়ে আৰক্ষীক অৱগত কৰে। আৰক্ষী আহি পোৱাৰ লগে লগে অভিনেতাজনক মাত দিয়ে কিন্তু অভিনেতাজনে একো সঁহাৰি নজনোৱাত গাড়ীৰ খিড়িকী ভাঙি তেওঁক উলিয়াই আনি ওচৰৰ চিকিৎসালয়ত পৰীক্ষা কৰোৱা হয়। কিন্তু তেতিয়ালৈকে বিনোদৰ মৃত্যু হৈছিল। বৰ্তমান আৰক্ষীয়ে অভিনেতাজনৰ মৃতদেহ মৰণোত্তৰ পৰীক্ষাৰ বাবে প্ৰেৰণ কৰিছে। অভিনেতা গৰাকীৰ মৃত্যুৰ কাৰণ এতিয়াও জানিব পৰা হোৱা নাই। তথাপিও তেওঁৰ মৃত্যুৰ কাৰণ গাড়ীখনত চলি থকা এচিৰ পৰা নিৰ্গত হোৱা বিষাক্ত গেছ হ’ব পাৰে বুলি আশংকা কৰা হৈছে।
বিনোদ থমাছক বহু ছবিত দেখা গৈছিল। এই ছবিসমূহৰ কথা ক’লে তেওঁ ‘অয়্যাপ্প্ন কোছ্যুম’, ‘নাথোলী ওৰু চেৰিয়া মীনাল্লা’, ‘অৰু মুৰাই বন্ত পাথায়া’, ‘হেপি ৱেডিং’ আৰু ‘জুন’ আদি ছবিত উজ্জ্বল কাম কৰিছিল। এই ছবিবোৰত বিনোদৰ অভিনয়ক অতিশয় প্ৰশংসা কৰা হৈছিল।
এই খবৰ অহাৰ লগে লগে অনুৰাগীসকল স্তম্ভিত হৈ পৰে। অভিনেতা গৰাকীৰ মৃত্যুৰ খবৰে সকলোকে জোকাৰি গৈছে। কেৱল অনুৰাগীয়েই নহয় পৰিয়ালৰ লোকসকলো শোকত নিমগ্ন হৈ পৰিছে। বিনোদ থমাছ আমাৰ মাজত নাই বুলি খবৰটো কাৰো বিশ্বাস কৰিবলৈ টান। তাৰকা আৰু অনুৰাগীয়ে চকুলোৰে শ্ৰদ্ধাঞ্জলি জনাইছে অভিনেতাগৰাকীক।
Leave A Comment