হনুমান ভগৱান নাছিল , কেৱল ৰাম ভক্তহে আছিল, 'আদিপুৰুষ'ৰ সংলাপ লেখক মনোজ মুন্তাছিৰ মন্তব্যত নতুন বিতৰ্ক

ছবি খনৰ  পৰিচালকৰ বাহিৰেও এই মুহূৰ্তত আটাইতকৈ বেছি সমালোচিত  ব্যক্তি  জন হৈছে ছবিখনৰ সংলাপ লেখক মনোজ মুনতাছিৰ। অভিযোগ কৰা হৈছে যে হনুমানকে ধৰি ৰামায়ণৰ পৌৰাণিক চৰিত্ৰসমূহৰ মুখত দিয়া সংলাপ অতি কুৎসিত । বহু দৰ্শক  আৰু বিভিন্ন ধৰ্মীয় সংগঠনে ছবি খনৰ চৰিত্ৰসমূহৰ ভাষাকলৈ সমালোচনামুখৰ হৈ পৰিছে । এনে বিতৰ্কৰ মাজতে মনোজ মুন্তাছিৰ আন এক মন্তব্যই নতুন বিতৰ্কৰ সৃষ্টি কৰিছে।  "বজৰংবলী ঈশ্বৰ নহয়, তেওঁ কেৱল  ৰামৰ ভক্তহে। আমিহে তেওঁক ভগৱান সজাইছো।’’ ছবি খনত বজৰংবলীৰ মুখত দিয়া সংলাপৰ বিষয়ে মন্তব্য কৰি  মনোজে নিজৰ  সপক্ষে কয়, "হনুমানে কেতিয়াও দাৰ্শনিকৰ দৰে কথা নকয়। '' কিন্তু বহুতে ছবিখনৰ সংলাপক লৈ প্ৰশ্ন উত্থাপন কৰিছে।

 প্ৰভাস, কৃতি চানন আৰু চেইফ আলী খান অভিনীত ' আদিপুৰুষ''-এ ১৬ জুনত ছবিগৃহত মুক্তি লাভ কৰিছে। ওম ৰাউতে পৰিচালনা কৰা ছবি খনক  আধুনিক সময়ৰ ৰামায়ণ বুলি কোৱা হৈছে। চলচ্চিত্ৰখন মুক্তি পোৱাৰ লগে লগে ছবি খনকলৈ মিশ্ৰিত প্ৰতিক্ৰিয়াৰ সৃষ্টি হৈছে। বহুতে প্ৰভাসৰ অভিনয় খুব ভাল পাইছে, আনহাতে কিছুমানে ছবিখনৰ ভিএফএক্স আৰু সংলাপ পছন্দ কৰা নাই৷ 

সেয়ে ছ'চিয়েল মিডিয়াত বহুতে  ছবিখনৰ সংলাপকলৈ সমালোচনা কৰিছে। মানুহে আশা কৰিছিল যে ৰামায়ণৰ আধাৰত  নিৰ্মিত চলচ্চিত্ৰখনত শালীন ভাষা ব্যৱহাৰ কৰা হ’ব, কিন্তু তাৰ বিপৰীতে  ছবিখনত'কপড়া তেৰে বাপ কা, আগ তেৰে বাপ কা, তেল তেৰে বাপ কা, জলেগী ভি তেৰে বাপ কা...', 'তেৰি বুৱা কা গাৰ্ডেন হে য়া জয়া খানা’ ৰ দৰে সংলাপসমূহ বহুতে ভাল পোৱা নাই৷