সন্তানৰ ভৱিষ্যত ধ্বংস হৈ গৈছে! সংসাৰৰ জটিলতাৰ সন্দৰ্ভত মুখ খুলিলে নৱাজুদ্দিন ছিদ্দিকীয়ে

এটা সংবাদ মাধ্যমৰ আগত নৱাজে কয় যে এই বিষয়ত এতিয়াৰ বাবে মই একো ক’ব নিবিচাৰো। কাৰণ এই বিতৰ্কবোৰত মোৰ সন্তানৰ ভৱিষ্যত ধ্বংস হৈ আছে। ডুবাইত পঢ়ে। এমাহৰ বাবে মুম্বাইত আছে। মই মাথোঁ বিচাৰো মোৰ ল’ৰা-ছোৱালীয়ে আকৌ পঢ়া-শুনা আৰম্ভ কৰক। আৰু ডুবাইলৈ উভতি যাওঁ। ইমানেই।"

প্ৰসংগক্ৰমে আলিয়াৰ অধিবক্তাই নৱাজৰ পৰিচালিকা স্বপ্না ৰবীন মাছিৰ সমৰ্থনত এটা ভিডিঅ’ পোষ্ট কৰিছিল। তাত দেখা যায়, স্বপ্নাই কান্দি কান্দি নিজৰ দুৰ্দশাৰ কথা কৈছে। তেওঁ কয় যে তেওঁ নৱাজুদ্দিন ছিদ্দিকীৰ বাবেই ডুবাইত আবদ্ধ হৈ আছে। তেওঁক দৰমহা দিয়া হোৱা নাই। উপযুক্ত খাদ্যও পোৱা নাই।

স্বপ্নাই আৰু অভিযোগ কৰে যে ছিদ্দিকীয়ে তেওঁক কোম্পানীটোৰ চেলছ মেনেজাৰ হিচাপে চাকৰি দিছিল। কিন্তু আচলতে ল’ৰা-ছোৱালীৰ চোৱা-চিতা কৰাৰ বোজা স্বপ্নাৰ কান্ধত উঠিছিল। মুঠতে স্বপ্নাই নৱাজৰ ডুবাই ঘৰত সন্তান চোৱা চিতাৰ কাম কৰে। এই কঠিন পৰিস্থিতিৰ পৰা তেওঁ ওলাই আহিব বিচাৰে। আৰু সেইবাবেই অধিবক্তা ৰিজৱানে টুইট কৰি ভাৰত চৰকাৰ আৰু ডুবাইত থকা ভাৰতীয় দূতাবাসৰ পৰা সহায় দাবী কৰে। তথ্য অনুসৰি স্বপ্নাই ছিদ্দিকীৰ পৰা মুক্তি পাবলৈ দিন গণিছে।