ডিজিটেল ডেস্কঃ বলীউডত পুনৰ বিয়াৰ গুঞ্জন। পৰীণীতি চোপ্ৰাৰ বিয়াক লৈ চলিছে তীব্ৰ চৰ্চা। আপ সাংসদ ৰাঘৱ চাদ্ধাৰ সৈতে পৰিণীতিৰ প্ৰেমৰ সম্পৰ্ক আছে বুলি গুজৱ ওলাইছে। অৱশ্যে এই সন্দৰ্ভত দুয়ো এতিয়ালৈকে মুখ খোলা নাই। চলিত বৰ্ষৰ অক্টোবৰ মাহতে পৰিণীতি চোপ্ৰা আৰু ৰাঘৱ চাদ্ধাৰ বিয়া হ'ব পাৰে বুলি গুণগুণনি আৰম্ভ হৈছে। বিবাহৰ নীতি নিয়ম গোপনে আৰম্ভ হৈছে বুলি খবৰ বিয়পি পৰিছে।
শীঘ্ৰেই জীৱনৰ দ্বিতীয় ইনিংছ আৰম্ভ কৰিবলৈ গৈ আছে বলীউডৰ অভিনেত্ৰী পৰিণীতি চোপ্ৰাই। অভিনেত্ৰীগৰাকীৰ ঘৰত সোনকালেই বাজি উঠিব শ্বেহনাই।
পৰিণীতি চোপ্ৰাই আপৰ সাংসদ ৰাঘৱ চাদ্ধাৰ সৈতে ডেটিং কৰি আছে। পৰিণীতিক ৰাঘৱৰ সৈতে এবাৰ নহয় বহুবাৰ দেখা গৈছে। সকলো জল্পনা-কল্পনাৰ মাজতে দুয়োৰে বিয়াৰ খবৰ বিয়পি পৰিছে।
শেহতীয়াকৈ, পৰিণীতিৰ এটা ভিডিঅ’ ভাইৰেল হৈছিল, য’ত পৰিণীতিক চেলিব্ৰিটি ফেশ্বন ডিজাইনাৰ মনীষ মালহোত্ৰাৰ ঘৰৰ বাহিৰত দেখা গৈছিল। তথ্য অনুসৰি, পৰিণীতি আৰু ৰাঘৱৰ ৰোকা পৰ্বও ইতিমধ্যে হৈ গৈছে।
জানিব পৰা মতে পৰিণিতিৰ সম্পৰ্কীয় বায়েক অভিনেত্ৰী প্ৰিয়ংকা চোপ্ৰাও সেই অনুষ্ঠানটোত উপস্থিত আছিল। সূত্ৰ অনুসৰি, তেওঁলোকৰ বিবাহ এই বছৰৰ অক্টোবৰৰ শেষৰ ফালে হ’ব পাৰে। পৰিণীতি আৰু ৰাঘৱৰ বিয়াত প্ৰিয়ংকা চোপ্ৰা উপস্থিত থকাৰ সম্ভাৱনা।
Leave A Comment