ডিজিটেল ডেস্কঃ শেহতীয়াকৈ পুনৰ চৰ্চাত আহিছে বলীউডৰ অভিনেত্ৰী পৰিণীতি চোপ্ৰা আৰু আপৰ সাংসদ ৰাঘৱ চাদ্ধাৰ সম্পৰ্কৰ বিষয়৷স্মতৰ্ৱ্য যে পৰিণীতি আৰু ৰাঘৱক একেলগে এবাৰ নহয় দুবাৰকৈ দেখা গৈছিল। ২২ মাৰ্চত মুম্বাইৰ এখন আড়ম্বৰপূৰ্ণ ৰেষ্টুৰেণ্টলৈ গৈ ৰাতিৰ আহাৰ গ্ৰহণ কৰি ২৩ মাৰ্চত পুনৰ দুপৰীয়াৰ আহাৰ গ্ৰহণৰ বাবে ধৰিলে দুয়োজনে। ইয়াৰ ফলত ৰাঘৱ আৰু পৰিণীতিৰ অনুৰাগীসকলে দুয়োকে প্ৰেমিক যুগল বুলি আলোচনা কৰিবলৈ আৰম্ভ কৰে৷
অৱশ্যে এটা ৰাষ্ট্ৰীয় সংবাদ মাধ্যমে প্ৰদান কৰা তথ্যৰ পৰা জানিব পৰা গৈছে যে পৰিণীতি আৰু ৰাঘৱ বৰ্তমান কোনো প্ৰেমৰ সম্পৰ্কত নাই।
পৰিণীতি চোপ্ৰা আৰু সাংসদ ৰাঘৱ চাদ্ধাক একেৰাহে দুদিন দুবাৰ একেলগে দেখা গৈছিল।ইতিমধ্যে নেটিজেনসকলে পৰিণীতি আৰু ৰাঘৱ দুয়োৰে মাজত কি হৈ আছে আৰু বলীউড চহৰখনত নতুন ৰোমাঞ্চৰ আৰম্ভণি বুলি বিভিন্নজনে আলোচনা কৰিছে।
ৰাঘৱ আৰু পৰিণীতি কেৱল ভাল বন্ধু আৰু ইজনে সিজনৰ লগত বৰ্তমান ডেটিং কৰা নাই। আচলতে ৰাঘৱ আৰু পৰিণীতি দুয়োজনে লণ্ডন স্কুল অৱ ইকনমিক্সত একেলগে অধ্যয়ন কৰিছিল আৰু ৰাঘৱ আৰু পৰিণীতিৰ কেইবাজনো উমৈহতীয়া বন্ধু আছে।
উল্লেখযোগ্য যে পৰিণীতি আৰু ৰাঘৱ দুয়োজনে ভ্ৰমণ কৰি ভাল পায় আৰু প্ৰায়ে ইজনে সিজনৰ লগত কথা পাতি কম অন্বেষণ কৰা আন্তঃৰাষ্ট্ৰীয় ভ্ৰমণ গন্তব্যস্থানৰ বিষয়ে আলোচনা কৰে।
ইয়াৰ উপৰিও মন কৰিবলগীয়া যে ৰাঘৱ চাদ্ধাই টুইটাৰত মাত্ৰ ৪৪ জন লোকক অনুসৰণ কৰে, ইয়াৰে মাত্ৰ দুজনহে বলীউডৰ। ইয়াৰে এজন আম আদমী পাৰ্টিৰো সদস্য গুল পানাগ, আনগৰাকী পৰিণীতি চোপ্ৰা।
সামাজিক মাধ্যমত বিয়পি পৰা ফটোসমূহত ২২ মাৰ্চত পৰিণীতি আৰু ৰাঘৱক ডিনাৰ ডেটত একেলগে দেখা গৈছিল । পৰিণীতি আৰু ৰাঘৱৰ যুটিয়ে বগা কাপোৰত টুইনিং কৰিছিল আৰু পেপছৰ বাবেও পোজ দিছিল। অৱশ্যে কালি অৰ্থাৎ ২৩ মাৰ্চত দুপৰীয়াৰ আহাৰ গ্ৰহণৰ সময়ত পুনৰবাৰ দেখা পোৱাৰ পিছতে ৰাঘৱ আৰু পৰিণীতিৰ সম্পৰ্কৰ উৰাবাতৰি বিয়পি পৰিবলৈ আৰম্ভ কৰে।
ইয়াৰ পূৰ্বে পৰিণীতি চোপ্ৰাক পৰিচালক মনীষ শৰ্মাৰ লগত ডেটিং কৰা বুলি চৰ্চা চলিছিল। ইপিনে সংসদৰ সদস্য হোৱা আটাইতকৈ কম বয়সীয়া ব্যক্তি হিচাপে ৰাঘৱ চদ্ধা দেশৰ যুৱপ্ৰজন্মৰ মাজত বাৰুকৈয়ে জনপ্ৰিয়।
Leave A Comment