ডিজিটেল ডেস্কঃ শ্বাহৰুখ খান-দীপিকা পাডুকন অভিনীত 'পাঠান'ৰ বেচৰম ৰং গীতটিয়ে ইতিমধ্যে সমালোচনাৰ জোৱাৰ তুলিছে৷ বহু সংগঠন তথা ব্যক্তিয়ে ছবি খন নিষিদ্ধ কৰাৰো দাবী জনাইছে৷ অৱশেষত চেঞ্চৰ বোৰ্ডে ছবি খনৰ গীতৰ কেতবোৰ উত্তেজক দৃশ্য কৰ্তন কৰাৰো পদক্ষেপ গ্ৰহণ কৰিছে৷ ছবিখনে বিশেষ কোনো সম্প্ৰদায়ৰ ধৰ্মীয় অনুভূতিক আঘাত হনাৰো অভিযোগ উঠিছে। ফলত কেইবাটাও দৃশ্য সলনি কৰাৰ নিৰ্দেশনা আহিছে। অৱশ্যে এতিয়ালৈকে কোনেও ছবিখনৰ ট্ৰেইলাৰ দেখা নাই।
ছবিখন মুক্তিৰ বাবেও বেছি দিন নাই৷ এনে সময়তে বহুতৰ মনত প্ৰশ্ন জাগিছে ছবি খনৰ ট্ৰেইলাৰ কেতিয়া মুক্তি পাব? চলচ্চিত্ৰ খনৰ নিৰ্মাতাই ছবিখনক লৈ বিতৰ্ক এৰাই চলিবলৈ ট্ৰেইলাৰৰ মুক্তি বন্ধ কৰিছে নেকি? এনে প্ৰশ্নয়ো বহুতৰে মনত ভুমুকি মাৰিছে৷ এনে প্ৰশ্নবোৰৰ উত্তৰো এতিয়া ওলাইছে৷ অৱশেষত ছবিখনৰ ট্ৰেইলাৰ মুকলিৰ দিন ঘোষণা কৰা হৈছে৷ ছবিখনৰ ট্ৰেইলাৰ ১০ জানুৱাৰীত মুক্তি পাব বুলি ছবি খনৰ নিৰ্মাতাই প্ৰকাশ কৰিছে।
অৱশ্যে ট্ৰেইলাৰ মুকলিৰ কিমান দিন পিছত ছবিখন মুক্তি দিয়া হ’ব সেয়া এতিয়াও নিশ্চিত হোৱা নাই৷ কাৰণ ছবিখনত কম সময়ৰ ভিতৰতে ইমান পৰিৱৰ্তন কৰাটো সম্ভৱ হ’ব নে নাই সেয়া সন্দেহৰ বিষয় হৈ পৰিছে৷ আনহাতে ছবিখনৰ টিকট বিক্ৰী ইতিমধ্যে আৰম্ভ হৈছেই৷
Leave A Comment