ডিজিটেল ডেস্কঃ বিগ বছ অ’টিটি আৰু স্প্লিটছভিলাৰ দৰে ৰিয়েলিটি শ্ব’ কৰা অভিনেত্ৰী উৰ্ফি জাভেদ ছ’চিয়েল মিডিয়াতো যথেষ্ট জনপ্ৰিয়। তেওঁৰ কামতকৈও বেছি তেওঁক তেওঁৰ অদ্ভূত ফেশ্বনৰ বাবে বেছিকৈ চিনি পোৱা যায়। উৰ্ফীয়ে ইনষ্টাগ্ৰামত নিজৰ ছবি আৰু ভিডিঅ’ পোষ্ট কৰি থাকে, য’ত কেতিয়াবা তেওঁ নিজকে ঘড়ী, ছিম কাৰ্ড, ছেফটি পিন, স্মাৰ্টফোন, ব্লেড, ফুল আদিৰে ঢাকি ৰাখে আৰু কেতিয়াবা টপলেছ হৈ প’জ দিয়ে। শেহতীয়াকৈ তেওঁ চাইকেলৰ চেইন পিন্ধি ভাইৰেল হৈছে।
এই অদ্ভূত ফেশ্বন চেন্সৰ বাবে বহু মানুহে তেওঁক ট্ৰ'লো কৰে। উৰ্ফিয়ে অশ্লীল সাজপাৰ কৰে বুলি প্ৰায়ে অভিযোগ উত্থাপন হয়। এইবাৰ এজন ব্যক্তিয়ে উৰ্ফিৰ বিৰুদ্ধে আৰক্ষীৰ ওচৰত অভিযোগ দাখিল কৰিছে। তেওঁ এজাহাৰত লিখিছে যে উৰ্ফি জাভেদে সমাজত অশ্লীলতা বিয়পাই আছে। সমাজৰ পৰিৱেশ বিনষ্ট কৰি আছে উৰ্ফিয়ে।
উৰ্ফি জাভেদৰ বিৰুদ্ধে আৰক্ষীৰ এজাহাৰ দাখিল কৰিছে অধিবক্তা আলী কাচিফ খান দেশমুখে। অধিবক্তাগৰাকীয়ে আন্ধেৰী থানাত দাখিল কৰিছে এজাহাৰ। এই কথা সত্য বুলি এজন আৰক্ষী বিষয়াইও নিশ্চিত কৰিছে।
অধিবক্তা আলী কাচিফ খান দেশমুখে আৰক্ষীক অভিযোগ দি কয় যে উৰ্ফীয়ে ৰাজহুৱা স্থানত আৰু ছ’চিয়েল মিডিয়াত অবৈধ আৰু অশ্লীল কাম কৰে। যিটো কোনোপধ্যই গ্ৰহণযোগ্য নহয়, গতিকে উৰ্ফি জাভেদৰ বিৰুদ্ধে সোনকালে শাস্তিমূলক ব্যৱস্থা গ্ৰহণ কৰিব লাগে।
Leave A Comment