ৰাখীৰ বয়ফ্ৰেণ্ড আদিলে ডুবাইত ক্ৰয় কৰিব ১০টা এপাৰ্টমেণ্ট! কাৰণ জানিলে হ’ব আচৰিত

ৰাখী আৰু আদিলে এখন চেলুন মুকলি অনুষ্ঠানলৈ গৈছিল। তাতে ৰাখী সাৱন্তই আদিলৰ লগত ‘বিগ বছ’লৈ যোৱাৰ কথা ইংগিত দিয়ে। ৰাখীয়ে লগতে কয় যে যদি দুয়ো তালৈ যায় তেন্তে সকলোৱে ‘হীৰ-ৰাঞ্জা’, ‘লাইলা-মজনু’ৰ দৰে প্ৰেমিক যুটিক পাহৰি যাব। এতিয়া দুয়ো ‘বিগ বছ’লৈ যায় নে নাযায় তাৰ পিছে কোনো নিশ্চয়তা নাই। আদিলে বৰ্তমান ডুবাইত ১০টা ঘৰ ক্ৰয় কৰাৰ প্ৰস্তুতি চলাই আছে। ৰাখীয়ে এই সন্দৰ্ভত কয় যে, ‘আগতে আমি ডুবাইত এটা এপাৰ্টমেণ্ট কিনিছিলোঁ। এতিয়া আদিলে ১০টা ঘৰ ক্ৰয় কৰাৰ পৰিকল্পনা কৰিছে। কাৰণ ডুবাইত অতি সস্তীয়া এপাৰ্টমেণ্ট পোৱা যায়। অৰ্থাৎ ইয়াত তিনিটা ফ্লেট ল’লে ডুবাইৰ ১০ টা ফ্লেটৰ সমান। যদি কোনোবাই কিনিব বিচাৰে তেন্তে তেওঁ মোৰ লগত যোগাযোগ কৰিব পাৰে।

ৰাখী আৰু আদিল কেইদিনমান আগতে ডুবাইলৈ গৈছিল। তাৰ পৰা বহু ফটো আৰু ভিডিঅ’ও শ্বেয়াৰ হৈছিল ছ’চিয়েল মিডিয়াত৷ ৰাখীয়ে কয় যে, ‘আদিলে ডুবাইত মোৰ নামত এটা ঘৰ কিনিছে। তেওঁ মোক এখন BMW উপহাৰ দিলে। কিন্তু সঁচা কথা ক’বলৈ গ’লে তেওঁৰ মৰম মোৰ বাবে বহুত বেছি। তেওঁৰ মৰম সঁচা। তেওঁ বৰ সৎ। মোৰ প্ৰতি আদিল বৰ চিৰিয়াছ। কাৰণ ইমান সোনকালে আন কোনোবাই নিজৰ পৰিয়ালৰ লগত চিনাকি কৰাই দিয়ে নেকি?' উল্লেখ্য যে আদিল খান বেংগালুৰুৰ বাসিন্দা। পেছাত তেওঁ এজন ব্যৱসায়ী। ৰাখী সাৱন্ততকৈ বয়সত বহু সৰু আদিল খান। তেওঁৰ ভাই-ভনী আৰু পৰিয়াল ডুবাইত থাকে।