ডিজিটেল ডেস্কঃ বলীউডৰ এজন বহুচৰ্চিত অভিনেতা ৰণবীৰ কাপুৰ,এইবাৰ অভিনয়েৰে নহয় বৰঞ্চ ছ’চিয়েল মিডিয়া প্লেটফৰ্মত দিয়া ফটোৰ জৰিয়তেহে চৰ্চা লাভ কৰিছে৷পূৰ্ব অভিনেত্ৰী চোনী ৰাজদানে তেওঁৰ প্ৰয়াত পিতৃ নৰেন্দ্ৰ নাথ ৰাজদানক স্মৰণ কৰি এটা দীঘলীয়া পোষ্ট লিখিছিল। শনিবাৰে ইনষ্টাগ্ৰামত চোনীয়ে বছৰ বছৰ ধৰি পৰিয়ালৰ সদস্য আৰু ঘনিষ্ঠ লোকসকলৰ সৈতে পিতৃৰ আভাস দিয়া এটা ভিডিঅ’ শ্বেয়াৰ কৰে। ভিডিঅ’টোত অনুৰাগীসকলক কেইটামান পাৰ্টীৰ কেইবাটাও দৃশ্যৰ আভাস দিয়া হৈছিল।
ক্লিপটোত ৰণবীৰ কাপুৰক তেওঁৰ পত্নী অভিনেতা আলিয়া ভাটৰ ককাক আৰু ভগ্নী শ্বাহীন ভাটৰ সৈতে এখন টেবুলৰ চাৰিওফালে থিয় হৈ থকা দেখা গৈছে। নৰেন্দ্ৰ নাথৰ বাবে এটা সুন্দৰ কেক সজাই টেবুলত ৰখা হৈছিল। ৰণবীৰ কাপুৰে নৰেন্দ্ৰ নাথৰ পিছফালে থিয় হৈ কেকটোলৈ চাই থকা পৰিলক্ষিত হৈছে৷
আন এটা অংশত ৰণবীৰে কেমেৰাৰ বাবে হাঁহি এটা মাৰি ৱাইনৰ গিলাচ লৈ চোফা এখনত বহি থা দেখা গৈছে৷ এফালে শহুৰেক মহেশ ভাট বহি থকাৰ সময়তে আনফালে বহি নৰেন্দ্ৰ নাথে পানীয়ৰ চুমুক এটা মৰা পৰিলক্ষিত হৈছে। ভিডিঅ’টোত নৰেন্দ্ৰ নাথৰ যৌৱনৰ পৰা কেইবছৰমান আগলৈকে কেইবাখনো অদৃশ্য ছবিও সন্নিবিষ্ট কৰা হৈছিল যিসমূহ ছবি পূৰ্বে লোকচক্ষুৰ পৰা নিলগত আছিল৷
Leave A Comment