ডিজিটেল ডেস্কঃ চাৰ্বিয়াত অনুষ্ঠিতব্য এখন ডকুমেণ্টৰী ফিল্ম মেকিং কৰ্মশালালৈ নিৰ্বাচিত হৈছে অসমৰ যুৱ চলচ্চিত্ৰকৰ্মী সাগৰ সৌৰভ৷ বিশ্বজুৰি নবীন ডকুমেণ্টৰী নিৰ্মাতাই অংশগ্ৰহণ কৰিবলগা কৰ্মশালাখন অনুষ্ঠিত হ’ব ছাৰ্বিয়াৰ উঝিচে UŽICE চহৰত৷ সপ্তাহজোৰা কাৰ্যসূচীৰে এই কৰ্মশালা ২০ৰ পৰা ২৭ আগষ্টলৈকে চলিব৷
চলিত বৰ্ষটোত কৰ্মশালাৰ বিশেষজ্ঞসকলে অংশগ্ৰহণকাৰীসকলক ডকুমেণ্টৰী নিৰ্মাণৰ বিভিন্ন দিশৰ বিষয়ে অৱগত কৰা হ’ব বুলি আয়োজকসকলে জনাইছে৷ বিশেষজ্ঞসকল হৈছে ছাৰ্বিয়ান চলচ্চিত্ৰ পৰিচালক ৰাডা ছেছিক আৰু ডকুমেণ্টৰী ফিল্মমেকাৰ ক্ৰিছ ফিলিপ্পনেৰ দৰে অভিজ্ঞ চলচিত্ৰকৰ্মী৷
উল্লেখ্য যে ছাৰ্বিয়াৰ এই বিশিষ্ট কৰ্মশালাখনলৈ নিৰ্বাচিত হোৱা সাগৰ সৌৰভে ইতিমধ্যে কেইবাখনো ছুটী ছৱিৰ পৰিচালনা কৰাৰ উপৰিও অভিনয়ো কৰি আহিছে৷ চলচ্চিত্ৰৰ উপৰিও সাহিত্য জগততো ইতিমধ্যে কেইবাখনো কবিতাপুথিৰে সাগৰ সৌৰভে পাঠকৰ সমাদৰ লাভ কৰিছে৷
Leave A Comment