ডিজিটেল ডেস্কঃ বলীউডৰ মেগা ছুপাৰষ্টাৰ শ্বাহৰূখ খান পুনৰ পত্নীৰ লগত হোৱা বাক-বিতণ্ডাৰ বাবে সকলোৰে মাজত চৰ্চাৰ বিষয় হৈ পৰিছে। শেহতীয়াকৈ দেশৰ বিখ্যাত ব্যৱসায়ী মুকেশ আম্বানীৰ পত্নী নীতা আম্বানীৰ সাংস্কৃতিক কেন্দ্ৰৰ মুকলি অনুষ্ঠানত শ্বাহৰূখে ‘পাঠান’ ছবিৰ ‘ঝুমে জো পাঠান’ গীতটোৰ ওপৰত এক নৃত্য কৰা পৰিলক্ষিত হৈছে। এই সময়ছোৱাত শ্বাহৰূখৰ বহু ফটো-ভিডিঅ’ চৰ্চালৈ আহিছে। ইফালে ছ’চিয়েল মিডিয়াত ভাইৰেল হৈছে শ্বাহৰূখ খানৰ এটা শেহতীয়া ভিডিঅ’ য’ত তেওঁক পত্নী গৌৰী খানৰ সৈতে বাক-বিতণ্ডা কৰা দেখা গৈছে।
ইনষ্টেণ্ট বলীউডে নিজৰ অফিচিয়েল ইনষ্টাগ্ৰাম হেণ্ডেলত এটা শেহতীয়া ভিডিঅ’ শ্বেয়াৰ কৰিছে। এই ভিডিঅ'টোত শ্বাহৰূখ খান আৰু গৌৰী খানক একেলগে কথা পাতি থকা দেখা গৈছে। ভিডিঅ’টো চাই অনুৰাগীয়ে জল্পনা-কল্পনা কৰিছে যে শ্বাহৰূখ আৰু গৌৰীৰ মাজত হয়তো কিবা এটা বিষয় লৈ তৰ্ক হৈছে।যাৰ বাবে শ্বাহৰূখ খানক খঙাল অৱস্থাত দেখা গৈছে।
ইপিনে উক্ত ভিডিঅ’টিতে পত্নী গৌৰীয়ে কিং খানক বুজনি দি থকা দেখা গৈছে। এনে পৰিস্থিতিত এতিয়া শ্বাহৰূখ আৰু গৌৰী খানৰ এই ভিডিঅ'টো ছচিয়েল মিডিয়াত ভাইৰেল হৈ পৰিছে। ইয়াৰ লগতে খান দম্পতীৰ এই ভিডিঅ’টো চাই অনুৰাগীসকলে বিভিন্ন প্ৰতিক্ৰিয়া প্ৰদান কৰা দেখা গৈছে৷
Leave A Comment