কোনটো স্মাৰ্টফ'ন ব্যৱহাৰ কৰে শ্বাহৰুখ খানে? এনেদৰে পোহৰলৈ আহিল 'বাদশ্বাহ'ৰ ফ'নৰ কথা!

ডিজিটেল ডেস্কঃ চেলিব্ৰিটিৰ জীৱনক লৈ সাধাৰণ মানুহৰ সদায় উৎসুকতা থাকে। তেওঁলোকে কি খায়, কলৈ যায়, কেনেদৰে দিনটো পাৰ কৰে, তেওঁলোকৰ জীৱনত কি চলি আছে এই কথাবোৰক লৈ অনুৰাগীসকলৰ কৌতুহল বাঢ়ি যায়। বলীউডৰ ‘বাদশ্বাহ’ শ্বাহৰুখ খানে কোনটো স্মাৰ্টফোন ব্যৱহাৰ কৰে জানেনে? দেশে-বিদেশে শ্বাহৰুখৰ অলেখ অনুৰাগী আছে। দেশ-বিদেশৰ কোটি কোটি অনুৰাগীয়ে শ্বাহৰুখ খানৰ ব্যক্তিগত কথাবোৰ জানিবলৈ ব্যগ্ৰ হৈ থাকে। 

আপুনি জানেনে শ্বাহৰুখ খানে কোনটো স্মাৰ্টফোন ব্যৱহাৰ কৰে? কৈ আছো শুনক। শ্বাহৰুখে ব্যৱহাৰ কৰা স্মাৰ্টফোনটো এপ্ৰিল মাহৰ শীৰ্ষ ৫ টা বেষ্ট চেলিং স্মাৰ্টফোনৰ ভিতৰত অন্যতম আৰু ইয়াৰ দাম লাখ টকাৰ ওপৰত। শ্বাহৰুখ খানে বৰ্তমান ব্যৱহাৰ কৰি আছে এপ’লৰ iPhone 13 Pro Max। ভাৰতত এই স্মাৰ্টফোনটো ১,২৯,৯০০ টকাত মুকলি কৰা হৈছিল। বৰ্তমান ই এপ’লৰ শেহতীয়া ফ্লেগশ্বিপ স্মাৰ্টফোন ছিৰিজৰ শীৰ্ষ মডেল ফোন।

 

শ্বাহৰুখ খানে কি মোবাইল ফোন ব্যৱহাৰ কৰি আছে সেই কথা তেওঁৰ নিজৰ এখন ফটোৰ পৰাই প্ৰকাশ পালে। শেহতীয়াকৈ শ্বাহৰুখ খানে তেওঁৰ ইনষ্টাগ্ৰাম হেণ্ডেলৰ পৰা আৰু টুইটাৰত এখন মিৰ’ৰ ছেলফি শ্বেয়াৰ কৰিছিল। বলীউডত ৩০ বছৰ সম্পূৰ্ণ কৰাৰ আনন্দত শ্বাহৰুখে পোষ্ট কৰিছে এই চেলফিখন। এই মিৰ’ৰ ছেলফিত তেওঁৰ হাতত iPhone 13 Pro Max দেখা যায়। ফটোখনত দেখা গৈছে যে শ্বাহৰুখ খানৰ iPhone 13 Pro Maxৰ ৰং ছিয়েৰা ব্লু। তেওঁ এই ফোনটোত MagSafe কেছ লগাই ৰাখিছে। আপোনালোকক জনাওঁ যে এই কেছৰ দাম প্ৰায় ৫ হাজাৰ টকা।