বলীউডত আকৌ বিয়া! সিদ্ধাৰ্থ আৰু কিয়াৰাৰ বিয়ালৈ সাজু হ’বলৈ ক’লে শ্বাহিদ কাপুৰে

শ্ব’টোৰ টিজাৰত কৰণ জোহৰে অহৰহ কিয়াৰা আদৱানীক সিদ্ধাৰ্থ মালহোত্ৰাৰ কথা কৈ জোকাই থকা দেখা যায়। কৰণে কিয়াৰাক সুধে যে আপুনি সিদ্ধাৰ্থ মালহোট্ৰাৰ সৈতে আপোনাৰ সম্পৰ্কক অস্বীকাৰ কৰে নেকি? ইয়াৰ উত্তৰত কিয়াৰাই কয় যে- মই অস্বীকাৰো নকৰো বা স্বীকাৰো নকৰো.. কিন্তু হয় আমি নিশ্চিতভাৱে বিশেষ বন্ধু বা বন্ধুতকৈ বেছি। এই সন্দৰ্ভত শ্বাহিদে কয় যে দুয়ো বহুত ধুনীয়া কাপ’ল। ইয়াৰ অলপ সময়ৰ পাছতে শ্বাহিদে কয়, ‘এই বছৰৰ শেষত এটা ডাঙৰ ঘোষণা হ’ব আৰু এয়া কোনো ছবিৰ ঘোষণা নহয়।’ এয়া বিয়াৰ ঘোষণা হ’ব। 

শেষৰ খণ্ডটোত সিদ্ধাৰ্থ মালহোত্ৰা আৰু বিকি কৌশল শ্ব’টোত উপস্থিত হৈছিল। এই সময়ছোৱাতো কৰণ জোহৰে সিদ্ধাৰ্থক কিয়াৰাৰ সৈতে থকা সম্পৰ্কক লৈ বহু প্ৰশ্ন কৰিছিল। আনকি বিয়াৰ কথাও কৈছিল। কৰণে শ্ব’টোত পোনপটীয়াকৈ সিদ্ধাৰ্থক সুধিছিল, "আপুনি কিয়াৰা আদৱানীৰ লগত ডেটিং কৰিছে নেকি?" আপোনাৰ ভৱিষ্যতৰ কোনো পৰিকল্পনা আছে নেকি?"

তাৰ পিছত বিকিয়ে লগে লগে সিদ্ধাৰ্থক জোকাবলৈ ‘শ্বেৰশ্বাহ’ৰ ‘ৰতা লাম্বিয়া’ গীতটো গাবলৈ আৰম্ভ কৰে। একে সময়তে সিদ্ধাৰ্থই কয়, "মই আজি ভৱিষ্যত সম্পৰ্কে ক’ব বিচাৰো যে ...", সিদ্ধাৰ্থৰ কথাৰ মাজতে বাধা দি কৰণে কয়, "কিয়াৰা আদৱানীক বিয়া কৰাম বুলি ক'ব বিচাৰিছে?" সিদ্ধাৰ্থই মাত্ৰ উত্তৰ দিলে, "এটা উজ্জ্বল আৰু সুখী ভৱিষ্যত।" কৰণ জোহৰ এইবাৰো ৰৈ নাথাকিল। সিদ্ধাৰ্থৰ কথাৰ শাৰীটোত যোগ দি তেওঁ আৰু কয়, "কিয়াৰা আদৱানীৰ সৈতে সুখী ভৱিষ্যত নহয় জানো?" ইয়াৰ পিছত সিদ্ধাৰ্থই চূড়ান্ত উত্তৰ দি কয় যে, ''যদি তেওঁ লগত থাকে তেন্তে বৰ ভাল হ'ব।''

এই কথা-বতৰাৰ পৰাই বুজিব পাৰি যে সিদ্ধাৰ্থ আৰু কিয়াৰাৰ বিয়ালৈ আৰু বেছি দিন নাই।