আৰিয়ানে লজ্জিত কৰিলেও সৰু পুত্ৰ আবৰামে গৌৰাৱান্বিত কৰিলে শ্বাহৰুখ খানক! টাইকোৱাণ্ডোত পালে গ’ল্ড মেডেল

বলীউড বাদশ্বাহ শ্বাহৰুখ খানেই কেৱল মানুহৰ হৃদয়ৰ ৰজা নহয়, এতিয়া যেন তেওঁৰ সৰু পুত্ৰয়েও সকলোৰে মনত থিতাপি লোৱাৰ দক্ষতা শিকিছে। স্কুলত টাইকোৱাণ্ডো খেলত জয়ী হৈ পিতৃ শ্বাহৰুখ খানক অপৰিসীম আনন্দ দিছে আবৰামে। শেহতীয়াকৈ মুম্বাইৰ টাইকোৱাণ্ডো ট্ৰেইনিং একাডেমীত অনুষ্ঠিত এখন প্ৰতিযোগিতাত আবৰামে অংশগ্ৰহণ কৰিছিল। আবৰামৰ খেল চাবলৈ শ্বাহৰুখ খানৰ লগতে পত্নী গৌৰী খান আৰু সন্তান আৰিয়ান-সুহানাও উপস্থিত আছিল। একে সময়তে কৰীনা কাপুৰ আৰু ছেইফ আলী খানকো তেওঁলোকৰ পুত্ৰ টাইমুৰৰ সৈতে দেখা গৈছিল। এই প্ৰতিযোগিতাত আবৰাম, টাইমুৰৰ সৈতে কৰিশ্মা কাপুৰৰ পুত্ৰ কিয়ানেও অংশগ্ৰহণ কৰে।

অভিনেতা শ্বাহৰুখ খানৰ পুত্ৰই জয় সাব্যস্ত কৰে টাইকোৱাণ্ডো প্ৰতিযোগিতাত। এই প্ৰতিযোগিতাত জয়ী হৈ আবৰামে সোণৰ পদক লাভ কৰিছে। পুত্ৰৰ জয়ত শ্বাহৰুখ ইমানেই সুখী হৈছিল যে মঞ্চতে পুত্ৰৰ প্ৰতি মৰম প্ৰকাশ কৰে। সেই সময়ত গৌৰী খান, আৰিয়ান খান আৰু সুহানা খানে হাত চাপৰি বজাই আবৰামক বহুত প্ৰশংসা কৰে। প্ৰতিযোগিতাখনৰ বিষয়ববীয়াই পিতৃ শ্বাহৰুখৰ হাতেৰে আবৰামক সোণৰ পদক প্ৰদান কৰে। সকলোৱে আবৰাম খানক শুভেচ্ছা আৰু অভিনন্দন জনাইছে।