শ্বাহৰুখ খানৰ সৰলতা! শ্বুটিঙত দেৰিকৈ উপস্থিত হোৱাৰ বাবেই হাতযোৰ কৰি বিচাৰিলে ক্ষমা

উল্লেখ্য যে ওৰে নিশা সাৰে থাকি এখন চিনেমাৰ শ্বুটিঙত ব্যস্ত আছিল শ্বাহৰুখ খান। সেইবাবেই পিছদিনা এক বিজ্ঞাপনৰ শ্বুটিঙত অংশ লোৱাৰ ক্ষেত্ৰত কিছুদেৰি পলম হ'ল মহাতাৰকাগৰাকীৰ। শ্বুটিংস্থলীত উপস্থিত হোৱাৰ পাছতেই বিজ্ঞাপনৰ দৃশ্যগ্ৰহণকাৰী লৰেন্স ডি কুনহাৰ সন্মুখত হাতযোৰ কৰি ক্ষমা বিচাৰিলে কিং খানে। শ্বাহৰুখ খানৰ উদাৰতাত শ্বুটিংস্থলীত উপস্থিত থকা সকলো লোক অবাক হৈ পৰিল। 

লৰেন্স ডি কুনহাই কয় যে, ''শ্বাহৰুখৰ স'তে মই প্ৰথমবাৰ কাম কৰিছো। শ্বাহৰুখ খান এজন বহুত ডাঙৰ তাৰকা। কিন্তু ইমান বিখ্যাত তাৰকা হৈয়ো শ্বাহৰুখ খানৰ কোনো অহংকাৰ নাই। কোনো তাৰকাসুলভ আচৰণ নাই। সকলোৰে সৈতে তেওঁ সহজে মিলি যাব পাৰে। শ্বাহৰুখৰ এই ব্যৱহাৰত আমি মুগ্ধ। সেই কাৰণেই তেওঁ বলীউডৰ বাদশ্বাহ।'' এই ঘটনাৰ পাছতেই শ্বাহৰুখ খানক লৈ ছ'চিয়েল মিডিয়াত চলিছে ব্যাপক চৰ্চা। সকলোৱে শ্বাহৰুখৰ এই সৰল ব্যৱহাৰক উচ্চ প্ৰশংসা কৰিছে।