শান্তনু হাজৰিকাৰ সৈতে ৩ বছৰে প্ৰেম! কিন্তু বিয়াৰ কথা কেতিয়াও ভবা নাই শ্ৰুতি হাছানে

২০২০ চনৰ পৰা শান্তনু হাজৰিকাৰ লগত শ্ৰুতিয়ে ডেটিং কৰি আছে যদিও বিয়াৰ কথা কেতিয়াও ভবা নাই। শেহতীয়া এক সাক্ষাৎকাৰত শ্ৰুতিয়ে কয় যে "মই আৰু শান্তনুৱে ইজনে সিজনক সকলো দিশতো সমৰ্থন কৰো কিন্তু মোৰ বিয়াৰ কথা ভাবিবলৈও মন নাযায়। আমি যে ইজনে সিজনক সমৰ্থন কৰি আছো সেয়া বিবাহতকৈ ভাল নহয়নে?" 

শ্ৰুতিয়ে লগতে কয় যে "বিবাহৰ কথাই মোক ভয় খুৱায়। মোৰ ভাবিবলৈও মন নাযায়। মোৰ প্ৰেমিকৰ লগত মই বৰ সুখী। মই তেওঁৰ সহযোগত ভাল কাম কৰি আছোঁ। আমি দুয়ো সদায় ইজনে সিজনৰ লগত থাকোঁ আৰু বেয়া সময়ত ইজনে সিজনক সহায় কৰো। আপোনাৰ সংগ্ৰামৰ সময়ত যেতিয়া কোনোবা আপোনাৰ লগত থাকে তেতিয়া বৰ ভাল লাগে, অকলশৰীয়াকৈ যুদ্ধ কৰি থকাতকৈ কোনো এজন লগত থকাটো ভাল। আমি একলগে যিবোৰ শ্বেয়াৰ কৰি আছো তাতকৈ কিবা ভাল আছে বুলি মই নাভাবো।"

প্ৰেমিকৰ কথা কওঁতে শ্ৰুতিয়ে আৰু কয়, "কৰ্মক্ষেত্ৰত আমি দুয়োজনেই অতি অনুশাসিত। কিন্তু আমাৰ ব্যক্তিত্ব দুয়োজনৰে সম্পূৰ্ণ বেলেগ। মই সদায় চিন্তিত হৈ থাকো আৰু কামটো সম্পূৰ্ণ হোৱাটো বিচাৰো কিন্তু তেওঁ অতি শান্ত আৰু শিথিল। মই সদায় নাৰ্ভাছ হওঁ আৰু তেওঁ মোক সদায় শান্ত কৰে। গতিকে আমি ইজনে সিজনৰ ভাৰসাম্য ৰক্ষা কৰি থাকোঁ।"

উল্লেখ্য যে বিখ্যাত অভিনেতা কমল হাছান আৰু ছাৰিকাৰ কন্যা শ্ৰুতি হাছান। কমল হাছানৰ সৈতে বিয়াত বহাৰ পূৰ্বেই ছাৰিকা গৰ্ভৱতী হোৱাত শ্ৰুতিৰ জন্ম হয়। তাৰপাছত কমল হাছানে প্ৰথম পত্নীক বিবাহ বিচ্ছেদ কৰি ছাৰিকাক বিয়া কৰায়। বিয়াৰ পিছত ছাৰিকাই দ্বিতীয় কন্যাও জন্ম দিয়ে। কিন্তু কেইবছৰমানৰ পাছত কমল আৰু ছাৰিকাৰ সম্পৰ্ক বিচ্ছিন্ন হ’বলৈ ধৰিলে। ১৯৮৮ চনত দুয়োৰে বিবাহ হয় আৰু কেইবছৰমানৰ পাছত ছাৰিকাৰ বেষ্ট ফ্ৰেণ্ডৰ লগত কমল হাছানৰ সম্পৰ্ক গঢ় লৈ উঠে। এই কথা ছাৰিকাই গম পাই সহ্য কৰিব নোৱাৰি ঘৰৰ বেলকনিৰ পৰা জপিয়াই আত্মহত্যাৰ চেষ্টা চলাইছিল। তিনিমাহ ধৰি চিকিৎসালয়ত ভৰ্তি হৈ থাকিল ছাৰিকা। সুস্থ হৈ উভতি অহাৰ পাছত ২০০৪ চনত কমল-ছাৰিকাৰ বিবাহ বিচ্ছেদ হৈছিল।

ঘৰুৱা এই বিবাদৰ বাবেই শ্ৰুতি হাছানে বিয়াক লৈ ভয় কৰে বুলি ক'ব খুজে তেওঁৰ অনুৰাগীসকলে।