ডিজিটেল ডেস্কঃ বলীউডৰ কিছুমান দম্পতীৰ মাজত কোনো আনুষ্ঠানিক ঘোষণা নকৰাকৈয়েও মানুহে দৃঢ়তাৰে মানি লৈছে যে হয়তো অতি সোনকালে তেওঁলোকৰ বিয়া হ’ব। ইয়াৰ ভিতৰত অৰ্জুন কাপুৰ আৰু মলাইকা অৰোৰাৰ যুটি এতিয়া পুৰণি হৈ পৰিছে। এনে কিছুমান নতুন দম্পতীৰ বিষয়ে কওঁ, যাৰ সন্দৰ্ভত আলোচনা চলি আছে যে তেওঁলোকৰ ঘৰত বিয়াৰ শ্বেহনাই অতি সোনকালে শুনা যাব পাৰে।
১) অনন্যা পাণ্ডে-আদিত্য ৰয় কাপুৰঃ কিছুদিনৰ পৰা অভিনেত্ৰী অনন্যা পাণ্ডে আৰু অভিনেতা আদিত্য ৰায় কাপুৰৰ মাজত ডেটিং হোৱাৰ উৰাবাতৰি চলি আহিছে। সাম্প্ৰতিক সময়ত দুয়োকে প্ৰায়ে একেলগে দেখা পোৱা গৈছে। শেহতীয়াকৈ কফি উইথ কৰণৰ এটা খণ্ডত অনন্যাই নিজৰ ডেটিং জীৱনৰ বিষয়ে মুকলিকৈ ইংগিত দিছিল। শীঘ্ৰে সম্পৰ্কক আগুৱাই নিব বিচৰা বুলি চৰ্চা চলিছে। দুয়োৰে বয়সৰ পাৰ্থক্য ১৩ বছৰ।
২) ইৰা খান-নুপুৰ শিখাৰেঃ বলীউড অভিনেতা আমিৰ খানৰ কন্যা ইৰা খান প্ৰেমিক নুপুৰ শিখাৰেৰ সৈতে বিবাহপাশত আবদ্ধ হ’বলৈ ওলাইছে। তেওঁলোকৰ এংগেজমেণ্ট হৈছে আৰু ২০২৪ চনৰ জানুৱাৰী মাহত তেওঁলোকৰ বিবাহ হ’ব। শেহতীয়াকৈ ভাইৰেল হৈ পৰিছে ইৰা আৰু নুপুৰৰ প্ৰি-ৱেডিং প্ৰগ্ৰেমৰ ছবি।
৩) ৰাকুল প্ৰীত সিং-জেকি ভগনানীঃ অভিনেত্ৰী ৰাকুল প্ৰীত সিং আৰু অভিনেতা-প্ৰযোজক জেকী ভগনানীয়ে সংবাদ মাধ্যমৰ আগত নিজৰ সম্পৰ্কক লুকুৱাই ৰখা নাই। খবৰ অনুসৰি এই প্ৰেমিক চৰাইহালৰ বিয়া অতি সোনকালে হ’ব।
৪) জাহ্নৱী কাপুৰ-শিখৰ পাহাৰীয়াঃ অভিনেত্ৰী জাহ্নৱী কাপুৰ আৰু শিখৰ পাহাৰীয়াই দীৰ্ঘদিন ধৰি প্ৰেমৰ সম্পৰ্ক স্থাপন কৰি আহিছে। শেহতীয়াকৈ দুয়োকে ৰাজহুৱা স্থানত একেলগে দেখা গৈছিল আৰু তেওঁলোকে মানুহৰ দৃষ্টি আকৰ্ষণ কৰিছিল। খবৰটো হ’ল দুয়োজনে ইজনে সিজনক বহুত ভাল পায় আৰু এই প্ৰেমৰ সেউজ সংকেত দিছে জাহ্নৱীৰ পিতৃ বনী কাপুৰে। তেওঁলোকৰ ৰোমাঞ্চ বিবাহলৈ আগবাঢ়ি যোৱাৰ বিষয়েও আলোচনা চলি আছে।
৫) অদিতি ৰাও হায়দাৰী আৰু সিদ্ধাৰ্থঃ যদিও অদিতি ৰাও হায়দাৰী আৰু সিদ্ধাৰ্থই ৰাজহুৱাভাৱে তেওঁলোকৰ সম্পৰ্কক আনুষ্ঠানিকভাৱে মানি লোৱা নাই, তথাপিও ছ’চিয়েল মিডিয়াত তেওঁলোকৰ ছবি আৰু ভিডিঅ’ই বহু কথাই কয়। দুয়োজনে আগতেও বিবাহ কৰাইছে আৰু পূৰ্বৰ সংগীক বিবাহ বিচ্ছেদ কৰিছে। দুয়ো শীঘ্ৰে বিয়া হোৱাৰ পৰিকল্পনা কৰা বুলি চৰ্চা চলিছে।
Leave A Comment