কেনে ছোৱালী, দেউতাকৰ খবৰো নাৰাখেঃ শ্বাহৰুখ খানৰ জীয়ৰী সুহানা খানক কথা শুনালে অমিতাভ বচ্চনে!

সুহানাৰ লগতে 'দ্য আৰ্চিছ'ৰ আন তাৰকাসকলো সেই অনুষ্ঠানত  উপস্থিত আছিল। উপস্থিত থকাসকলৰ তালিকাখনত আছে সুখী কাপুৰ, অগস্ত্য নন্দা, বেদং ৰাইনা, যুৱৰাজ মেণ্ডাৰা। সুহানা খানে কেবিচিৰ মঞ্চত বিগ বিৰ প্ৰশ্নৰ সন্মুখীন হৈছিল! সুহানাই  পিছে তেওঁৰ দেউতাক শ্বাহৰুখ খানৰ বিষয়ে সোধা প্ৰশ্নৰ উত্তৰ দিব নোৱাৰিলে। "পদ্মশ্ৰী, লিজিয়ন অফ অনাৰ, ল'ইটোইল ডি'অৰ আৰু ভলপি কাপ," শ্বাহৰুখ খানে চাৰিটা বঁটাৰ ভিতৰত কোনটো লাভ কৰা নাছিল? 

কিং খানৰ জীয়ৰীয়ে কলে-  'দেউতাই পদ্মশ্ৰী নাপালে' আৰু সেই উত্তৰটো শুনি অমিতাভ বচ্চন আচৰিত হৈ পৰিল। তাৰ পিছত শ্বাহৰুখ কন্যাক ধেমালিৰ চলেৰেই কথা শুনালে বিগ বিয়ে। বিগ বিয়ে ধেমেলীয়াকৈ ক’লে , "ছোৱালীজনীয়ে নাজানে যে দেউতাকে কি পুৰস্কাৰ পাইছিল!ইমান সহজ প্ৰশ্নৰ উত্তৰো দিব নোৱাৰিলে। কেনে ছোৱালী দেউতাকৰ খবৰো নাৰাখে’’।