তিক্ত সম্পৰ্কৰ অৱসান! নবৈ দশকৰ তিক্ততা পাহৰি ছানি দেউলে মুকলি প্ৰশংসা কৰিলে শ্বাহৰুখ খানক

মন কৰিবলগীয়া যে ‘গদৰ ২’ ছবিখনৰ সফলতা পাৰ্টিত শ্বাহৰুখ আৰু ছানীক একেলগে কেমেৰাৰ সন্মুখত পোজ দিয়া দেখা যায়। এই প্ৰসংগত ছানীয়ে কয়, "মই তেওঁৰ প্ৰতি কৃতজ্ঞ। মনত আছে, মই যেতিয়া তেওঁৰ লগত কথা পাতিছিলো, তেতিয়া তেওঁ ডুবাইত ‘জৱান’ৰ প্ৰচাৰত ব্যস্ত আছিল। মই ভাবিলোঁ, তেওঁ নাহিব। কিন্তু  তাৰ পৰাই পোনে পোনে আহিছিল। ইয়াৰ পিছত আকৌ লগ পোৱাৰ কোনো সুযোগ নাছিল। কিন্তু সুযোগ পালে বৰ ভাল হ'ব।''

ছানীয়ে নিজেই বিশ্বাস কৰে যে সময়ৰ লগে লগে সকলো ঘাঁই ভাল হয়। সময়ৰ লগে লগে আমি অধিক পৰিপক্ক হৈ পৰো আৰু জীৱনৰ গুৰুত্ব বুজি পাওঁ।'' ছানীয়ে কেৱল শ্বাহৰুখৰ কথাই নহয়, ছলমানৰ কথাও মুকলিকৈ ক’লে। তেওঁৰ ভাষাত "গোৱাত এবাৰ লগ পাইছিলো। বহুত আড্ডা মাৰিলোঁ। আমিও একেলগে কাম কৰাৰ কথা ভাবিছো।'' ছানীয়ে লগতে কয় যে এবাৰ ছলমানে তেওঁক ফোন কৰি আৱেগিক হৈ কৈছিল যে তেওঁ ছানীক বহুত ভাল পায়।

ইয়াৰ পিছত আমিৰ খানৰ প্ৰযোজনাত ‘লাহোৰ’ ছবিত অভিনয় কৰিব ছানীয়ে। ১৯৪৭ চনৰ বিভাজনৰ প্ৰেক্ষাপটত নিৰ্মাণ কৰা হৈছে ছবিখন। ছানীয়ে লগতে কয় যে এই ছবিখনৰ বীজ ‘গদৰ ২’ৰ পাৰ্টিত ৰোপণ কৰা হৈছিল। তেওঁৰ ভাষাত "পিছদিনা আমিৰক লগ পাই এই ছবিখনৰ বিষয়ে আলোচনা কৰিলোঁ। ঈশ্বৰৰ অনুগ্ৰহ সঁচাকৈয়ে।''