বিবাদৰ অন্ত! ছলমানৰ টাইগাৰ ৩-ত কণ্ঠদান অৰিজিতৰ

এই বিশেষ পোষ্টটো ছলমান খানে নিজৰ টুইটাৰ আৰু ইনষ্টাগ্ৰাম দুয়োটা একাউণ্টতে শ্বেয়াৰ কৰিছে। য’ত তেওঁক ছবিখনৰ অভিনেত্ৰী কেটৰিনা কাইফৰ সৈতে দেখা গৈছে৷ এই পোষ্টাৰখন শ্বেয়াৰ কৰাৰ সময়ত ছলমান খানে লিখিছে - 'লেকে প্ৰভু কা নাম' - এইটো মোৰ বাবে অৰিজিৎ সিঙৰ প্ৰথম গীত।’ উল্লেখ্য যে ইয়াৰ লগতে ছলমানে অনুৰাগীসকলক জনাইছে যে এই গীতটো অহা ২৩ অক্টোবৰত মুক্তি পাব।

স্মৰ্তব্য যে অৰিজিৎ সিং আৰু ছলমান খানৰ বিবাদ প্ৰায় ১০ বছৰ আগতেই আৰম্ভ হৈছিল। যেতিয়া এটা বঁটা প্ৰদান অনুষ্ঠানৰ সময়ত দুয়োৰে মাজত তৰ্ক হৈছিল। খবৰ অনুসৰি এই তৰ্কৰ পাছত ছলমান খানে গায়কগৰাকীৰ ওপৰত ইমানেই খং কৰিছিল যে ছলমানৰ ছবিৰ পৰা অৰিজিতৰ গীতো আঁতৰাই পেলাইছিল। কিন্তু এতিয়া দুয়োৰে মাজত সেই তিক্ত সম্পৰ্ক মধুৰ সম্পৰ্কলৈ পৰিৱৰ্তিত হৈছে৷

‘টাইগাৰ ৩’ ছবিখনৰ কথা ক’বলৈ গ’লে এইবাৰ দীপাৱলী উপলক্ষে অৰ্থাৎ ১২ নৱেম্বৰত মুক্তি পাবলৈ গৈ আছে। কিছুদিন পূৰ্বে মুক্তি লাভ কৰিছিল ছবিখনৰ ট্ৰেইলাৰে। ছবিখনত ছলমান খানৰ উপৰিও কেটৰিনা কাইফ আৰু ইমৰাণ হাছমীয়েও গুৰুত্বপূৰ্ণ চৰিত্ৰত অভিনয় কৰিছে। ইয়াৰ উপৰিও শ্বাহৰূখ খানক ছবিখনত কেমিঅ’ কৰাও দেখা যাব। এই কাৰণেও অনুৰাগীসকলে ছবিখনৰ বাবে অধীৰ আগ্ৰহেৰে অপেক্ষা কৰি আছে।