বয়স, ধৰ্মৰ বাধা আঁতৰাই এক হৈছিল! বিয়াৰ ৮ বছৰৰ পাছত বিচ্ছেদ হ’বলৈ সাজু উৰ্মিলা-মহছিন

উৰ্মিলাৰ স্বামী মুছলমান হোৱাৰ উপৰিও উৰ্মিলাতকৈ আছিল ১০ বছৰে সৰু। কিন্তু প্ৰেমে যে একো বাধা নামানে। সকলো বাধা উফৰাই ২০১৬ চনত বিবাহপাশত আৱদ্ধ হৈছিল উৰ্মিলা আৰু মহছিন। 

তেওঁলোকৰ প্ৰেম কাহিনীৰ আঁৰত আছিল মনীষ মালহোত্ৰা। মনীষৰ ভতিজী ৰিদ্ধি মালহোত্ৰাৰ বিয়াত প্ৰথমবাৰৰ বাবে লগ হৈছিল উৰ্মিলা আৰু মহছিন। এইটো ২০১৪ চনৰ কথা। যেতিয়া তাইতকৈ ১০ বছৰ সৰু মহছিনৰ প্ৰেমত পৰিছিল। তেওঁলোকৰ প্ৰেমৰ মাজত ধৰ্ম বা বয়স আহিব নোৱাৰিলে।

বিবাহৰ আঠ বছৰ হ’ল যদিও তেওঁলোকৰ কোনো সন্তান নাই। ২০২৩ চনৰ ১২ ছেপ্টেম্বৰত মহছিন আখতাৰ মিৰে ইনষ্টাগ্ৰামত এখন মৰমলগা ফটো শ্বেয়াৰ কৰিছিল। য’ত তেওঁক কোলাত এগৰাকী ছোৱালীক লৈ থকা দেখা গৈছিল। এই ফটোখন দেখাৰ পিছত একাংশ লোকে এই দম্পতীক অভিনন্দন জনাবলৈ আৰম্ভ কৰে। অলপ সময়ৰ ভিতৰতে উৰ্মিলা মাতৃ হোৱাৰ উৰাবাতৰি বিয়পিবলৈ ধৰিলে। কিন্তু পিছত মহছিনে কেপচনত কৈছিল যে এই ছোৱালীজনী তেওঁৰ ভতিজী আইৰা।

যদি আমি মহছিনৰ ইনষ্টাগ্ৰাম একাউণ্টলৈ চাওঁ তেন্তে যোৱা বছৰ তেওঁ বিবাহ বাৰ্ষিকীত অভিনেত্ৰীগৰাকীৰ সৈতে ফটো শ্বেয়াৰ কৰিছিল। য'ত তেওঁ পত্নীক বৰ্ষপূৰ্তিৰ শুভেচ্ছা জনাইছিল। ইয়াৰ পূৰ্বে তেওঁ নিয়মিতভাৱে উৰ্মিলাৰ সৈতে ফটো শ্বেয়াৰ কৰিছিল যদিও যোৱা এবছৰ ধৰি তেওঁ পত্নীৰ সৈতে ফটো শ্বেয়াৰ কৰা নাই।

জানিব পৰা অনুসৰি দুয়ো দীৰ্ঘদিন ধৰি পৃথকে আছে আৰু ইনষ্টাগ্ৰামত দুয়ো দুয়োকে আনফল’ কৰিছে।